କଳାହାଣ୍ଡି: ଝାଡୁ କରିବାକୁ କହି ଛାତ୍ରୀଙ୍କ ସହ ଅସଦାଚାରଣ କଲେ ପ୍ରଧାନଶିକ୍ଷକ । କଳାହାଣ୍ଡି ଜିଲ୍ଲା ସଦର ଥାନାର ପରିୟା ଉଚ୍ଚ ପ୍ରାଥମିକ ବିଦ୍ୟାଳୟରେ ଘଟିଛି ଏଭଳି ଘଟଣା । ଏନେଇ ସମ୍ପୃକ୍ତ ଶିକ୍ଷକଙ୍କ ବିରୁଦ୍ଧରେ ଥାନାରେ ଏତଲା ଦିଆଯାଇଥିବା ଜଣାପଡିଛି ।
ଭିଡିଓ ସୌଜନ୍ୟ: ସମ୍ବାଦଦାତା, କଳାହାଣ୍ଡି
ସୂଚନା ମୁତାବକ, ସ୍କୁଲ ପ୍ରଧାନଶିକ୍ଷକ ସମନାଥ ମଙ୍ଗରାଜ ଜଣେ ଛାତ୍ରୀଙ୍କୁ ଅଫିସକୁ ଡାକି ଝାଡୁ କରିବାକୁ କହିଥିଲେ । ଝାଡୁ କରୁଥିବା ବେଳେ ଛାତ୍ରୀଙ୍କୁ ସେ ଅପଶବ୍ଦ କହିଥିଲେ । ପରେ ସ୍କୁଲ ପରିସରରେ ଥିବା ଶୌଚାଳୟ ସଫା କରିବାକୁ କହିଥିଲେ । ସେହି ସମୟରେ ପ୍ରଧାନଶିକ୍ଷକ ଜଣକ ଛାତ୍ରୀଙ୍କୁ ସ୍ପର୍ଶ କରିବା ସହ ଅଶ୍ଳୀଳ ଭାଷାର ପ୍ରୟୋଗ କରିଥିବା ଅଭିଯୋଗ ହୋଇଛି ।