କଳାହାଣ୍ଡିରେ ବେକାବୁ କୋରୋନା ସ୍ଥିତି, ୪୭ ନୂଆ ଆକ୍ରାନ୍ତ ଚିହ୍ନଟ

କଳାହାଣ୍ଡିରେ ଅଣାୟତ କୋରୋନା ସ୍ଥିତି । ଗୋଟିଏ ଦିନରେ ୪୭ ଆକ୍ରାନ୍ତ ଚିହ୍ନଟ । ଭବାନୀପାଟଣାରେ ଗୋଷ୍ଠୀ ସଂକ୍ରମଣ ହୋଇସାରିଥିବା କହିଲେ ବୁଦ୍ଧିଜୀବୀ। ଅଧିକ ପଢନ୍ତୁ...

ଭବାନୀପାଟଣା: ଦିନକୁ ଦିନ ବ୍ୟାପୁଛି ସଂକ୍ରମଣ । କଳାହାଣ୍ତିରେ ସୋମବାର ୪୭ ଜଣ କୋରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଜିଲ୍ଲାରେ ଆକ୍ରାନ୍ତଙ୍କ ସଂଖ୍ୟା ଚାରି ହଜାର ପାର କରିଛି । ସେମାନଙ୍କ ମଧ୍ୟରୁ ୩୧୪୬ ଜଣ ସୁସ୍ଥ ହୋଇଥିବା ବେଳ ୧୧୦୯ ଜଣ ଜିଲ୍ଲାର ବିଭିନ୍ନ କୋଭିଡ ହସ୍ପିଟାଲ ଓ ହୋମ ଆଇସୋଲେସନରେ ଚିକିତ୍ସାଧୀନ ରହିଛନ୍ତି ।

ସେପଟେ ଜିଲ୍ଲାରେ ଆକ୍ରାନ୍ତଙ୍କ ସଂଖ୍ୟା ବୃଦ୍ଧିକୁ ନଜରରେ ରଖି ପ୍ରଶାସନ ପକ୍ଷରୁ ସ୍ବାସ୍ଥ୍ୟ କର୍ମୀ ମାନେ ଘରକୁ ଘର ଯାଇ କୋରୋନା ପରୀକ୍ଷା କରୁଛନ୍ତି । ସ୍ଥାନୀୟ ସଂକ୍ରମଣ ସଂଖ୍ୟା ବୃଦ୍ଧି ପାଉଥିବାରୁ ଭବାନୀପାଟଣାରେ ଗୋଷ୍ଠୀ ସଂକ୍ରମଣ ହୋଇସାରିଥିବା ବୁଦ୍ଧିଜୀବୀମାନେ କହିଛନ୍ତି ।

କଳାହାଣ୍ତିରୁ ଅଜିତ ସିଂ, ଇଟିଭି ଭାରତ