କଳାହାଣ୍ଡି: ଭବାନୀପାଟଣା ଥୁଆମୁଳ ରାମପୁର 44 ନମ୍ବର ରାଜ୍ୟ ରାଜପଥ କାଦୋପଦର ଛକ ନିକଟରେ ଟ୍ରାକ୍ଟର ଦୁର୍ଘଟଣାଗ୍ରସ୍ଥ ହୋଇଛି । ଟ୍ରାକ୍ଟର ଓଲଟି ପଡିବାରୁ 4ଜଣଙ୍କ ମୃତ୍ୟୁ ହୋଇଥିବାବେଳେ 7ଜଣ ଗୁରୁତର ହୋଇଛନ୍ତି । ଗୁରୁତରଙ୍କୁ ଭବାନୀପାଟଣା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି।
ସୂଚନା ଅନୁଯାୟୀ, ଲାବନ୍ୟସର ଗାଁରୁ ଭବାନୀପାଟଣା ହିଲ୍ ଟାଉନ୍ ନିକଟରେ ପୂର୍ତ୍ତ ବିଭାଗ ପକ୍ଷରୁ ଏକ ଡ୍ରେନ କାମ ପାଇଁ 10 ରୁ ଉର୍ଦ୍ଧ୍ବ ଶ୍ରମିକ ଆସିଥିଲେ । କାମ ସାରି ଏକ ଟ୍ରାକ୍ଟରରେ 15ରୁ ଉର୍ଦ୍ଧ୍ବ ଶ୍ରମିକ ନିଜ ଘରକୁ ଫେରିବା ବେଳେ କାଦୋ ପଦର ନିକଟରେ ଭାରସାମ୍ୟ ହରାଇ ଟ୍ରାକ୍ଟର ଓଲଟି ପଡିଥିଲା । ଫଳରେ ଘଟଣାସ୍ଥଳରେ 2ଜଣଙ୍କ ମୃତ୍ୟୁ ଘଟିଥିବା ବେଳେ ଅନ୍ୟ 2ଜଣଙ୍କ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଛି । ଖବର ପାଇ ସଦର ଥାନା ପୋଲିସ ପହଞ୍ଚି ମୃତଦେହ ଜବତ କରିବା ସହ ଘଟଣାର ତଦନ୍ତ ଆରମ୍ଭ କରିଛି।
କଳାହାଣ୍ଡିରୁ ଅଜିତ କୁମାର ସିଂହ, ଇଟିଭି ଭାରତ