ଭବାନୀପାଟଣା: କଳାହାଣ୍ଡି ଜିଲ୍ଲା କର୍ଲାପାଟ ଅଭୟାରଣ୍ୟରେ ୬ ହାତୀ ମୃତ୍ୟ ଘଟଣାର ଅନୁଧ୍ୟାନ ପାଇଁ କେନ୍ଦ୍ରୀୟ ୩ ଜଣିଆ ଟିମ ଭବାନୀପାଟଣାରେ ପହଞ୍ଚିଲେ। ୪ ଜଣିଆ ଟିମରୁ ପଦ୍ମଶ୍ରୀ ଡ଼ କେକେ ଶର୍ମା ଭେଟିନାରୀ କଲେଜ ଆସାମ ଅନୁପସ୍ଥିତ ରହିଛନ୍ତି। ଟିମରେ ଡ଼ କରିକାଲନ ମାଥେସ ବୈଜ୍ଞାନିକ ସେଣ୍ଟର ଅଫ ୱାର୍ଲଡ଼ ଲାଇଫ, ଡ଼ ପିପି ପଣ୍ଡା କୋଡ଼ିନେଟର ଜାତୀୟ ହାତୀ କେନ୍ଦ୍ର ,ପ୍ରଫେସର ଡ ନିରଞ୍ଜନ ସାହୁ ରହିଛନ୍ତି ।
କାର୍ଲାପାଟ ଅଭୟାରଣ୍ୟରେ ୬ ହାତୀ ମୃତ୍ୟ ଘଟଣା, ପହଞ୍ଚିଲା ୩ ଜଣିଆ କେନ୍ଦ୍ରିଅ ଟିମ
ଟିମ ଭବାନୀପାଟଣା ଠାରେ ପହଞ୍ଚିବା ପରେ ଆରସିସିଏଫ ସୁଦୀପ୍ତ ଦାସ,ଦକ୍ଷିଣ ବନଖଣ୍ଡ ଅଧିକାରୀ ଟି ଅଶୋକ କୁମାର,ଅତିରିକ୍ତ ନିର୍ଦ୍ଦେଶକ ପଶୁ ସମ୍ପଦ ଓ ପ୍ରାଣୀ ଚିକିତ୍ସା ବିଭାଗ ପ୍ରତାପ କିଶୋର ଖମାରୀ ସହ ବୈଠକ କରିଛନ୍ତି। ଆସନ୍ତାକାଲି ଏହି ଟିମ କର୍ଲାପାଟ ଅଭୟାରଣ୍ୟ ଗସ୍ତ କରିବେ। ହାତୀ ମୃତ୍ୟର କାରଣ ହେମରେଜ ସେପ୍ଟିସେମିଆଁ ବା ସାହାଣ ରୋଗ ବୋଲି ସ୍ପଷ୍ଟ ହେଲା ପରେ ଏହା କିପରି ଅଭୟାରଣ୍ୟର ହାତୀ ସଂକ୍ରମିତ ହେଲେ ତାକୁ ନେଇ ଅଧିକ ଅନୁଧ୍ୟାନ କରିବେ।