ଭବାନୀପାଟଣା: କୁନି ହାତରେ ମହାନ ଦାନଧର୍ମ। ଅଯୋଧ୍ୟାରେ ପୁରୁଷୋତ୍ତମ ପ୍ରଭୁ ରାମଚନ୍ଦ୍ରଙ୍କ ଭବ୍ୟ ମନ୍ଦିର ନିର୍ମାଣ ପାଇଁ ଦାନ କଲେ ଟଙ୍କା। ମନ୍ଦିର ନିର୍ମାଣରେ ଗୁଣ୍ଡୁଚି ମୂଷା ଭଳି ନିଜର ସଞ୍ଚିତ ଟଙ୍କାକୁ ଦାନ କରିଛନ୍ତି କଳାହାଣ୍ଡି ଜିଲ୍ଲାର ଦୁଇ ଭଉଣୀ । ଏହା ସହ ଏକ ଭିଡିଓ ବାର୍ତ୍ତା ଜରିଆରେ ଶ୍ରୀରାମ ମନ୍ଦିର ନିର୍ମାଣ ପାଇଁ ସମସ୍ତେ ସହଯୋଗ କରିବାକୁ ଅନୁରୋଧ କରିଛନ୍ତି ।
ରାମ ମନ୍ଦିର ନିର୍ମାଣରେ ହାତ ବଢାଇଲେ ଦୁଇ କୁନି
କୋକସରା ବ୍ଲକ କାଉଡୋଲା ପଞ୍ଚାୟତ ବଡ କେନ୍ଦୁଗୁଡା ଗାଁର ଆଦିତ୍ୟ ପଣ୍ଡାଙ୍କ ଦୁଇ ଝିଅ ଅନ୍ବେଷାଶ୍ରୀଷ୍ଟି ଓ ଐଶାନୀଶ୍ରୀକ୍ତି ବର୍ଷେ ଧରି ସଞ୍ଚୟ କରିଥିବା 5 ହଜାର 6 ଶହ 41 ଟଙ୍କା ମନ୍ଦିର ନିର୍ମାଣ ପାଇଁ ନିଧି ସଂଗ୍ରାମକୁ ଦେଇଛନ୍ତି । ଏକ ଆଧ୍ୟାତ୍ମିକ ପରିବେଶରେ ବଢିଥିବା ଏହି କୁନି କୁନି ଉଭଣୀଙ୍କ ଏଭଳି ବଦାନ୍ୟତା ସମସ୍ତଙ୍କ ପାଇଁ ଉଦହାରଣ ସୃଷ୍ଟି କରିଛି ।