ଭବାନୀପାଟଣା: ଜିଲ୍ଲାରେ କୋରୋନା କବଳରେ ଆଉ ଦୁଇଟି ଜୀବନ । ଉଭୟ ତାମିଲନାଡୁରୁ ଫେରିଥିବା ବେଳେ ସେମାନଙ୍କ ଘର ଜୁନାଗଡ ବ୍ଲକ ବୁଢୀପଦର ଟିଏମସିରେ ଥିବା ଜଣା ପଡିଛି । ସଦ୍ୟ ଚିହ୍ନଟ ଉଭୟ ଆକ୍ରାନ୍ତ ଟିଏମସିରେ 14 ଦିନିଆ କ୍ବାରେଣ୍ଟାଇନ ସାରି ଘରକୁ ଫେରିଥିଲେ । ସେଠାରେ ସେମାନଙ୍କୁ 7 ଦିନିଆ ହୋମ କ୍ବାରେଣ୍ଟାଇନରେ ରହିବାକୁ ନିର୍ଦ୍ଦେଶ ରହିଥିବା ବେଳେ ସେମାନେ ଏହା ପାଳନ କରିନଥିବା ଅଞ୍ଚଳବାସୀ ଅଭିଯୋଗ କରିଛନ୍ତି ।
କଳାହାଣ୍ଡିରେ 2 ନୂଆ ମାମଲା ଚିହ୍ନଟ, ମୋଟ ସଂଖ୍ୟା 78କୁ ବୃଦ୍ଧି
ଉଭୟଙ୍କ ଏପରି ନିୟମ ଅବମାନନା ଆଗକୁ ସେମାନଙ୍କ କଣ୍ଟାକ୍ଟ ଟ୍ରେସିଂରେ ଅସୁବିଧା ସୃଷ୍ଟି କରିବା ନେଇ ପ୍ରଶାସନ ଚିନ୍ତା ପ୍ରକାଶ କରିଛି । ତେବେ ଉଭୟ ଆକ୍ରାନ୍ତଙ୍କ ବର୍ତ୍ତମାନ ଜିଲ୍ଲାର କୋଭିଡ-19 ହସ୍ପିଟାଲରେ ଭର୍ତ୍ତି କରାଯାଇଛି । ସେପଟେ ଜିଲ୍ଲାରେ ବର୍ତ୍ତମାନ ମୋଟ କୋରୋନା ଆକ୍ରାନ୍ତ ସଂଖ୍ୟା 78ରେ ପହଞ୍ଚିଛି । ଯେଉଁମାନଙ୍କ ମଧ୍ୟରୁ 71ଜଣ ସୁସ୍ଥ ହୋଇସାରିଥିବା ବେଳେ ବଳକା 7 ଜଣଙ୍କର ଚିକିତ୍ସା ଜାରି ରହିଛି ।