ବିଦ୍ୟୁତ ସଂସ୍ପର୍ଶରେ ଆସି ଯୁବକ ଗୁରୁତର

ଛାତ ଉପରେ କାମ କରୁଥିବା ବେଳେ ଯୁବକଙ୍କୁ ଲାଗିଛି ବିଦ୍ୟୁତ ଆଘାତ । 132 କେଭି ବିଦ୍ୟୁତ ସଂସ୍ପର୍ଶରେ ଆସିବା ଫଳରେ ଯୁବକ ଗୁରୁତର ଆହତ ହୋଇଛନ୍ତି ।

ଝାରସୁଗୁଡ଼ା: ଗାଡ଼ି ଶୋ ରୁମରେ ଅଭାବନୀୟ ଘଟଣା । ସୁମନ୍ତ ମାଝି ନାମକ ଏକ କର୍ମଚାରୀ ଶୋ ରୁମ ଛାତ ଉପରେ ଥିବା ଏକ ପାଣି ଟାଙ୍କିକୁ ସଫା କରିବାକୁ ଯାଇଥିବା ବେଳେ ପାଣିଟାଙ୍କି ଉପର ଦେଇ ଯାଇଥିବା ୧୩୨ କେଭି ବିଦ୍ୟୁତ ତାର ସ୍ପର୍ଶରେ ଆସିଥିଲେ । ଫଳରେ ସୁମନ୍ତଙ୍କୁ ଲାଗିଥିଲା ବିଦ୍ୟୁତ ଆଘାତ ।

ଶରୀରର ପାଖାପାଖି ୮୦ ଭାଗ ଜଳିଥିବା ପ୍ରାଥମିକ ସୂଚନାରୁ ଜଣାପଡିଛି । ବର୍ତ୍ତମାନ ସେ ବୁର୍ଲାରେ ଚିକିତ୍ସାଧୀନ ଅବସ୍ଥାରେ ଥିବା ବେଳେ ତାଙ୍କ ଅବସ୍ଥା ସଙ୍କଟାପନ୍ନ ରହିଛି। ଏ ନେଇ ଥାନା ରେ କୌଣସି ଖବର ରୁଜୁ ହୋଇନଥିବା ବେଳେ ସାମାଜିକ ଗଣମାଧ୍ୟମରୁ ଖବର ଜାଣି । ପୋଲିସ ନିଜ ଆଡୁ ଶୋ ରୁମ କୁ ଯାଇ ତଦନ୍ତ ଆରମ୍ଭ କରିଛି ।

ଝାରସୁଗୁଡ଼ାରୁ ରବିନାରାଯଣ ପାଣି, ଇଟିଭି ଭାରତ