ଚଳନ୍ତା ଟ୍ରେନରୁ ଖସି ଯୁବକ ମୃତ

ଝାରସୁଗୁଡା ରେଳଷ୍ଟେସନରେ ଚଳନ୍ତା ଟ୍ରେନରେ ଚଢିବା ବେଳେ ଟ୍ରେନରୁ ଖସି ଯୁବକ ରେଳ ଧାରଣାରେ ପଡି ପ୍ରାଣ ହରାଇଲେ ।

ଝାରସୁଗୁଡା: ଚଳନ୍ତା ଟ୍ରେନରେ ଚଢ଼ିବାକୁ ଉଦ୍ୟମ କଲାବେଳେ ତଳେ ପଡି ପ୍ରାଣ ହରାଇଲେ ଯାତ୍ରୀ । ଝାରସୁଗୁଡା ରୋଡ଼ ରେଳଷ୍ଟେସନରେ ଘଟିଛି ଏମିତି ଅଘଟଣ ।

ମୃତ ଯୁବକ ଛତିଶଗଡ ଅଞ୍ଚଳର ସଂଜୟ କର ବୋଲି ଜଣାପଡିଛି । ରାଉରକେଲାରୁ ସମ୍ବଲପୁର ଯାଉଥିବା ଡିଏମୟୁ ଟ୍ରେନ ଛାଡିବା ପରେ ଚଳନ୍ତା ଟ୍ରେନରେ ଚଢିବା ସମୟରେ ଗୋଡ ଖସିଯିବାରୁ ରେଳ ଧାରଣାରେ ପଡି ଯାଇଥିଲେ ସେ । ଟ୍ରେନ ତଳେ ପଡିଯିବା ଯୋଗୁଁ ତାଙ୍କର ଦୁଇ ଗୋଡ଼ କଟି ଯାଇଥିଲା ବେଳେ ମୁଣ୍ଡରେ ଗଭୀର ଆଘାତ ଲାଗିଥିଲା। ଘଟଣା ସ୍ଥଳରେ ଉପସ୍ଥିତ ରେଳ କର୍ମଚାରୀ ଓ ସ୍ଥାନୀୟ ଲୋକମାନେ ଆହତ ଯୁବକଙ୍କୁ ଉଦ୍ଧାର କରି ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଇଥିଲେ। କିନ୍ତୁ ଚିକିତ୍ସାଧୀନ ଅବସ୍ଥାରେ ସଂଜୟ ପ୍ରାଣ ହରାଇଛନ୍ତି ।

ଝାରସୁଗୁଡାରୁ ରବି ନାରାୟଣ ସାହୁ, ଇଟିଭି ଭାରତ