ଝାରସୁଗୁଡା:ଦିନକ ପରେ ଅନୁଷ୍ଠିତ ହେବ ବ୍ରଜରାଜନଗର ଉପନିର୍ବାଚନ । ଏଥିପାଇଁ ଆଜି(ରବିବାର) ପ୍ରଚାର ପ୍ରସାର ସରିଥିବାବେଳେ ନିଜ ନିଜ ପୁଲିଂ ବୁଥକୁ ଯାଇଛନ୍ତି ପୁଲିଂ ଅଫିସର । ସେହିପରି ଶାନ୍ତି ଶୃଙ୍ଖଳା ପାଇଁ ମଧ୍ୟ ପୁଲିଂ ବୁଥରେ ପହଞ୍ଚିଛନ୍ତି ପୋଲିସ କର୍ମଚାରୀମାନେ l
ବ୍ରଜରାଜନଗର ଉପନିର୍ବାଚନ ପାଇଁ ସରିଲା ପ୍ରଚାର, ବୁଥକୁ ଗଲେ ପୋଲିଂ ପାର୍ଟି
ନିର୍ବାଚନ ପାଇଁ ଜିଲ୍ଲା ପ୍ରଶାସନ ସମସ୍ତ ପ୍ରସ୍ତୁତି ଶେଷ କରିଥିବାବେଳେ 279ଟି ବୁଥ କରାଯାଇଛି l 5ଟି ପିଙ୍କ ବୁଥ ଓ 30ଟି ମଡେଲ କରାଯାଇ ଥିବାବେଳେ ପ୍ରାୟ 50 ପ୍ରତିଶତ ବୁଥରେ ଭିଡିଓଗ୍ରାଫିର ବ୍ୟବସ୍ଥା କରାଯାଇଥିବା ଉପଜିଲ୍ଲାପାଳ ଦୟାମୟ ପାଢି ସୂଚନା ଦେଇଛନ୍ତି l ତେବେ ବ୍ରଜରାଜନଗର ବିଜେଡି ବିଧାୟକ କିଶୋର ମହାନ୍ତିଙ୍କ ଦେହାନ୍ତ ପରେ ଉପନିର୍ବାଚନ ଅନୁଷ୍ଠିତ ହେଉଛି ।