ଝାରସୁଗୁଡା: ପୋଲିସକୁ ବଡ଼ ସଫଳତା । ସାରାରାଜ୍ୟ ବୁଲି ବୁଲି ବାଇକ ଡିକି ଭାଙ୍ଗି ଚୋରି କରୁଥିବା ଏକ ବଡ଼ ଲୁଟେରା ଗ୍ୟାଙ୍ଗର 3 ସଦସ୍ୟଙ୍କୁ ଝାରସୁଗୁଡା ପୋଲିସ ଧରିବାରେ ସଫଳ ହୋଇଛି । ପୋଲିସ ଯାଞ୍ଚ ବେଳେ ହାବୁଡରେ ପଡିଯାଇଥିଲେ ଉକ୍ତ ଲୁଟେରା । ଆଉ ସେମାନଙ୍କୁ ସହଜରେ ଧରିପକାଇଥିଲା ପୋଲିସ ।
ଭିଡିଓ ସୌଜନ୍ୟ: ପ୍ରତିନିଧି, ଝାରସୁଗୁଡା
ସୂଚନା ଅନୁସାରେ ମଟର ସାଇକେଲର ଡିକି ଭାଙ୍ଗି ଚୋରି କରୁଥିବା ସଦସ୍ୟମାନେ ଦୁଇଟି ମଟର ସାଇକେଲରେ ଯାଉଥିଲେ । ଏହି ସମୟରେ ପୋଲିସ କରୁଥିବା ଯାନବାହନ ଯାଞ୍ଚ ସମୟରେ 4 ଜଣ ପୋଲିସ ହାବୁଡ଼ରେ ପଡ଼ିଯାଇଥିଲେ । ହେଲେ ଲୋକଙ୍କ ଭିଡ଼ ହେବାରୁ ଜଣେ ଘଟଣାସ୍ଥଳରୁ ଦୌଡ଼ି ଫେରାର ହେବାରେ ସଫଳ ହୋଇଥିଲା । ଧରାପଡିଥିବା 3 ଜଣଙ୍କ ଠାରୁ 90 ହଜାର ଟଙ୍କା ସହ 6ଟି ମୋବାଇଲ, 3ଟି ମଟର ସାଇକେଲ ଓ ଲୁହାରେ ତିଆରି ହୋଇଥିବା ଡିକି ଭାଙ୍ଗିବା ଚାବି ଜବତ କରିଛି ପୋଲିସ ।