ଝାରସୁଗୁଡା: ସରକାରଙ୍କ ବିଭିନ୍ନ ଯୋଜନା, ଚାଇଲ୍ଡ ଲାଇନର ଅନେକ ସଚେତନତା ସତ୍ତ୍ବେ ରାଜ୍ୟରେ ବାରମ୍ବାର ଆସୁଛି ଶିଶୁବିକ୍ରୀ ଅଭିଯୋଗ । ଏମିତି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ଝାରସୁଗୁଡା ସହରର ଏକାତାଲିରେ ।
ଭିଡିଓ ସୌଜନ୍ୟ: ପ୍ରତିନିଧି, ଝାରସୁଗୁଡା
ସୂଚନା ଅନୁସାରେ ଏକାତାଲିରେ ରହୁଥିବାଦମ୍ପତିଙ୍କଗତକାଲି ଜିଲ୍ଲା ଚିକିତ୍ସାଳୟରେ ଏକ ଶିଶୁପୁତ୍ର ଜନ୍ମ ହୋଇଥିଲା । ପରେ ଶିଶୁପୁତ୍ରକୁ ଧରି ଦମ୍ପତି ଘରକୁ ଫେରିଥିଲେ ଏବଂ ଶିଶୁଟିକୁ ବିକ୍ରି କରିବା ପାଇଁ ଯୋଜନା କରିଥିଲେ । ଯୋଜନା ଅନୁସାରେ ଛତିଶଗଡର ସନ୍ତୋଷ ରଜକ ନାମକ ଜଣେ ବ୍ୟକ୍ତିଙ୍କୁ ସେ ପିଲା ବିକ୍ରି କରିଥାନ୍ତେ। ଏଥିପାଇଁ ଆବଶ୍ୟକ କଥାବାର୍ତ୍ତା ପୂର୍ବରୁ ସରିଥିଲା ଓ ସନ୍ତୋଷ ରଜକ ମଧ୍ୟ ଯୋଜନା ମୁତାବକ ଘଟଣାସ୍ଥଳରେ ପହଞ୍ଚିଥିଲେ ।