ନବ-କିଶୋରଙ୍କୁ ଝାରସୁଗୁଡାରେ ସମ୍ବର୍ଦ୍ଧନା

ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ନବ କିଶୋର ଦାସ ଏବଂ ବ୍ରଜରାଜନଗର ବିଧାୟକ କିଶୋର ମହାନ୍ତିଙ୍କୁ ବୁଧବାର ସମ୍ବର୍ଦ୍ଧନା ଦିଆଯାଇଛି ।

ଝାରସୁଗୁଡା: ଝାରସୁଗୁଡା ବିଧାୟକ ତଥା ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ନବ କିଶୋର ଦାସ ଓ ବ୍ରଜରାଜନଗର ବିଧାୟକ କିଶୋର ମହାନ୍ତିଙ୍କୁ ବୁଧବାର ସମ୍ବର୍ଦ୍ଧନା ଦିଆଯାଇଛି । ଏହି ଅବସରରେ ଝାରସୁଗୁଡା ଟାଉନର ଝଣ୍ଡା ଛକରୁ କିଷାନ ଛକ ପର୍ଯ୍ୟନ୍ତ ଏକ ଭବ୍ୟ ରାଲି କରାଯାଇଛି ।

ରାଲି ପରେ ବେହେରାମାଲ ସ୍ଥିତ ପଡିଆ ଠାରେ ସମ୍ବର୍ଦ୍ଧନା କାର୍ଯ୍ୟକ୍ରମ ଅନୁଷ୍ଠିତ ହୋଇଛି । ଝାରସୁଗୁଡା ଓ ବ୍ରଜରାଜନଗରର ବିଭିନ୍ନ ଅନୁଷ୍ଠାନ ପକ୍ଷରୁ ଏହି ସମ୍ବର୍ଦ୍ଧନା ଦିଆଯାଇଛି ।

ତେବେ ଏହି ଅବସରରେ ଉଭୟ ମିଶି ଝାରସୁଗୁଡା ଜିଲ୍ଲାର ବିକାଶ ଦିଗରେ ଓ ପଶ୍ଚିମ ଓଡିଶାର ବିକାଶ ଲାଗି କାର୍ଯ୍ୟ କରିବେ ବୋଲି କହିଛନ୍ତି ।

ଝାରସୁଗୁଡ଼ାରୁ ରବିନାରାୟଣ ସାହୁ, ଇଟିଭି ଭାରତ