ଝାରସୁଗୁଡ଼ା: ଭାଲୁ ଆକ୍ରମଣରେ ମା, ଝିଅ ଗୁରୁତର । ଝାରସୁଗୁଡା ଜିଲ୍ଲା ବେଲପାହାଡ ପୌରାଞ୍ଚଳ ଜୁନାଡିହି କଲେଜ ପଡାରେ ଏହି ଘଟଣା ଘଟିଛି । ଏଥିରେ ଅନିତା ମେହେର ଓ 16ବର୍ଷ ଝିଅ ରଶ୍ମି ମେହେର ଗୁରୁତର ହୋଇଛନ୍ତି । ସେମାନଙ୍କୁ ଲହୁ ଲୁହାଣ ଅବସ୍ଥାରେ ଟିଆରଏଲ ହସ୍ପିଟାଲରେ ଭର୍ତ୍ତି କରାଯାଇଛି ।
ଭିଡିଓ ସୌଜନ୍ୟ: ପ୍ରତିନିଧି, ଝାରସୁଗୁଡା ଆଜି ଭୋରରୁ ମା ଝିଅ ଫୁଲ ତୋଳିବାକୁ ଯାଇଥିବାବେଳେ ଏକ ବଣୁଆ ଭାଲୁ ଆକ୍ରମଣ କରିଥିଲା । ବହୁ କଷ୍ଟରେ ଗ୍ରାମବାସୀ ମା ଓ ଝିଅଙ୍କୁ ଭାଲୁ କବଳରୁ ଉଦ୍ଧାର କରିଥିଲେ । ଅନିତା ଓ ଝିଅ ରଶ୍ମୀଙ୍କ ଜଙ୍ଘରେ ଗଭୀର ଆଘାତ ହୋଇଛି। ଅନ୍ୟପଟେ ଘଟଣାସ୍ଥଳକୁ ବନ ବିଭାଗ କର୍ମଚାରୀ ପହଞ୍ଚି ତଦନ୍ତ କରୁଛନ୍ତି ।
ଝାରସୁଗୁଡ଼ାରୁ ରବି ନାରାୟଣ ସାହୁ, ଇଟିଭି ଭାରତ
