ଝାରସୁଗୁଡା: ଜିଲ୍ଲାର ଲଖନପୁରଠାରେ ରାମକୀ କମ୍ପାନୀର ପ୍ରସ୍ତାବିତ ବର୍ଜ୍ୟବସ୍ତୁ ପରିଚାଳନା, ସଂରକ୍ଷଣ ଓ ନିଷ୍କାସନ ପ୍ଲାଣ୍ଟର ଜନ ଶୁଣାଣିକୁ ଆଜି(ଶୁକ୍ରବାର) ଲଖନପୁର ବ୍ଲକବାସୀ ତୀବ୍ର ବିରୋଧ କରିଛନ୍ତି । ଫଳରେ ଏହି ଜନ ଶୁଣାଣି ବାତିଲ ହୋଇଛି । ଜିଲ୍ଲା ପ୍ରଶାସନ, ପ୍ରଦୂଷଣ ବିଭାଗ ଓ ରାମକୀ କମ୍ପାନୀ କର୍ତ୍ତୃପକ୍ଷଙ୍କୁ ଗ୍ରାମବାସୀ ମାନେ ବିରୋଧ କରିବା ସହ ଜନ ଶୁଣାଣିକୁ ଆରମ୍ଭ ହେବାକୁ ମଧ୍ୟ ଦେଇନଥିଲେ ।
ବାତିଲ ହେଲା ରାମକି କମ୍ପାନୀର ଜନ ଶୁଣାଣି
ରାମକି ଏନଭିରୋ ସର୍ଭିସ ପ୍ରାଇଭେଟ ଲିମିଟେଡ ଦ୍ଵାରା ଲଖନପୁର ବ୍ଲକର ଜୁନିଏନ୍ ଠାରେ ୬୪ ଏକର ଜଙ୍ଗଳ ଜମିରେ ବର୍ଜ୍ୟବସ୍ତୁ ପରିଚାଳନା ସଂରକ୍ଷଣ ଓ ନିଷ୍କାସନ ପ୍ରକଲ୍ପ ନିର୍ମାଣ ପାଇଁ ଯୋଜନା କରିଛି । ଏଥିପାଇଁ ଆଜି ଲଖନପୁର ଖେଳ ପଡିଆରେ ପ୍ରଦୂଷଣ ନିୟନ୍ତ୍ରଣ ବୋର୍ଡ ଓ ଜିଲ୍ଲା ପ୍ରଶାସନ ପକ୍ଷରୁ ଜନଶୁଣାଣି ହେବାକୁ ଥିବା ବେଳେ ଏହାକୁ ତୀବ୍ର ବିରୋଧ କରିଛନ୍ତି ଅଞ୍ଚଳବାସୀ ।