ଝାରସୁଗୁଡା: ଜିଲ୍ଲାରେ ଲକଡାଉନ ପୂର୍ବରୁ ଆହାର କେନ୍ଦ୍ରରେ କାମ କରୁଥିବା କର୍ମଚାରୀମାନଙ୍କୁ ଛଟେଇ କରାଯାଇଛି । ଏହାକୁ ଆହାର କେନ୍ଦ୍ରର କର୍ମଚାରୀମାନେ ବିରୋଧ କରି ପୁନଃନିଯୁକ୍ତି ଦାବିରେ ଗତ ବୁଧବାର ଠାରୁ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରୁଛନ୍ତି ।
ପୁନଃ ନିଯୁକ୍ତି ଦାବିରେ ଆହାର କର୍ମଚାରୀଙ୍କ ରିଲେ ଅନଶନ
କୋଭିଡ଼ କଟକଣା ଯୋଗୁଁ ଲକଡାଉନ ପରେ ପୁନର୍ବାର ଆହାର କେନ୍ଦ୍ର ଖୋଲାଯାଇଛି କିନ୍ତୁ ପୂର୍ବରୁ କାମ କରୁଥିବା କର୍ମଚାରୀମାନଙ୍କୁ ଚାକିରିରୁ ବାହାର କରାଯାଇ ଏହାର ପରିଚାଳନା ଦାୟିତ୍ୱ ଏସଏଚଜି ଗ୍ରୁପ ହାତରେ ନ୍ୟସ୍ତ କରାଯାଇଛି । ଏହାକୁ ନେଇ କର୍ମଚାରୀମାନଙ୍କ ମଧ୍ୟରେ ତୀବ୍ର ଅସନ୍ତୋଷ ଦେଖିବାକୁ ମିଳିଛି ।