ଝାରସୁଗୁଡା: ରାତି ପାହିଲେ ଦେଶରେ ଦ୍ବିତୀୟ ପର୍ଯ୍ୟାୟ ନିର୍ବାଚନ । ନିଜ ମନପସନ୍ଦରର ନେତାଙ୍କୁ ବାଛିବେ ଭୋଟର୍ । ଦ୍ବିତୀୟ ପର୍ଯ୍ୟାୟ ନିର୍ବାଚନ ପାଇଁ ରାଜ୍ୟରେ ପ୍ରସ୍ତୁତି ପର୍ବ ଚୂଡାନ୍ତ ପର୍ଯ୍ୟାୟରେ । ସୁରୁଖୁରରେ କିପରି ଭୋଟ୍ ଗ୍ରହଣ ହେବ ସେଥିପାଇଁ ନିର୍ବାଚନ କମିଶନ ସମସ୍ତ ବ୍ୟବସ୍ଥା ଗ୍ରହଣ କରିଛନ୍ତି ।
ଭିଡିଓ ସୌଜନ୍ୟ: ପ୍ରତିନିଧି, ଝାରସୁଗୁଡା
ଚଳିତ ଥର ଝାରସୁଗୁଡା ଜିଲ୍ଲାରେ ମହିଳା ଭୋଟରଙ୍କ ପିଙ୍କ୍ ବୁଥ କରାଯାଇଛି । ମହିଳା ଭୋଟର କିପରି ବିନା କୌଣସି ଦ୍ବିଧାରେ ଭୋଟ୍ ଦେବେ ସେଥିପାଇଁ ଝାରସୁଗୁଡା ଓ ବ୍ରଜରାଜନଗର ନିର୍ବାଚନ ମଣ୍ଡଳୀରେ 2ଟି ପିଙ୍କ୍ ବୁଥ୍ କରାଯାଇଛି । ଯେଉଁ ବୁଥ୍ରେ ସମସ୍ତ କାର୍ଯ୍ୟ ପରିଚାଳନା କରିବେ ମହିଳା । ତେଣୁ 2ଟି ବୁଥ୍ ଦାୟିତ୍ବ ଦିଆଯାଇଥିବା ମହିଳା କର୍ମଚାରୀ ମାନେ ପୋଲିଂ ବୁଥ୍ ଅଭିମୁଖେ ବାହାରି ଯାଇଛନ୍ତି ।