ଝାରସୁଗୁଡା :ଜିଲ୍ଲାର ୫ଟି ବ୍ଲକର ସମସ୍ତ ୯ଟି ଯାକ ଆସନ ପାଇଁ ଆଜି(ବୁଧବାର) କଂଗ୍ରେସ ପକ୍ଷରୁ ପ୍ରୀର୍ଥୀ ଦିଆଯାଇଛି । କଂଗ୍ରେସ କର୍ମୀଙ୍କ ଗହଣରେ ଉପଜିଲ୍ଲାପାଳଙ୍କ କାର୍ଯ୍ୟାଳୟକୁ ଆସି କଂଗ୍ରେସ ପ୍ରାର୍ଥୀମାନେ ନିଜର ନାମାଙ୍କନ ଦାଖଲ କରିଛନ୍ତି । । ଜିଲ୍ଲାରେ ପ୍ରଦୂଷଣ, ବେକାରୀ ସମସ୍ୟା, ରାସ୍ତାଘାଟ ଓ ସ୍ୱାସ୍ଥ୍ୟ ସମସ୍ୟାକୁ ମୁଦ୍ଧା କରି କଂଗ୍ରେସ ମଇଦାନକୁ ଓହ୍ଲାଇବେ ବୋଲି ପ୍ରକାଶ କରିଛି ।
କଂଗ୍ରେସ ପକ୍ଷରୁ ଲଖନପୁର ବ୍ଲକର ଜୋନ୧ରୁ ଅଶୋକ ସାହୁ ପ୍ରାର୍ଥୀ ହୋଇ ଥିବାବେଳେ ଜୋନ୨ରୁ ବେଣୁଧର ଭୋଇ, ଜୋନ-୩ ସୁମିତ୍ରା ସହିସଙ୍କୁ ପ୍ରାର୍ଥୀ କରାଯାଇଛି । ସେହିପରି ଝାରସୁଗୁଡା ବ୍ଲକ ଜୋନ୧ରୁ ସୁଜାତା ପାଟଜୋଶୀ, ଜୋନ-୨ରୁ ଜଗଦିଶ ପାତ୍ର ପ୍ରାର୍ଥୀ ହୋଇଛନ୍ତି । ଲଇକେରା ବ୍ଲକ ଜୋନ ୧ରୁ ତପସ୍ୱିନୀ ମୁଣ୍ଡା, ଜୋନ୨ରୁ ସନ୍ତୋଷିନୀ କିସାନଙ୍କୁ ପ୍ରାର୍ଥୀ କରାଯାଇଥିବାବେଳେ କୋଲାବିରା ବ୍ଲକରୁ ଶ୍ରୀକର ସାହୁ ଓ କିର୍ମିରା ବ୍ଲକରୁ ପ୍ରମିଲା ଚିଲ ପ୍ରାର୍ଥୀ ହୋଇଛନ୍ତି ।