ଝାରସୁଗୁ଼ଡ଼ା: ସୁନ୍ଦରଗଡ଼ର ଦୌରାଜଜ କୋର୍ଟ ପରିଦର୍ଶନ ପରେ ଝାରସୁଗୁଡ଼ା ଗସ୍ତ କରିଛନ୍ତି ଓଡ଼ିଶା ହାଇକୋର୍ଟର ମୁଖ୍ୟ ବିଚାରପତି ଡକ୍ଟର ଏସ. ମୁରଲୀଧର । ଏହି ଅବସରରେ ଜିଲ୍ଲା ଓକିଲ ସଂଘ ତାଙ୍କୁ ସ୍ବାଗତ କରିବା ସହିତ ସେ ଜିଲ୍ଲାର କୋର୍ଟ ମଧ୍ୟ ପରିଦର୍ଶନ କରିଥିଲେ ।
ଝାରସୁଗୁଡ଼ାରେ ମୁଖ୍ୟ ବିଚାରପତି ଏସ. ମୁରଲୀଧର
ଏହି ଗସ୍ତରେ ସେ ଜିଲ୍ଲାର ନ୍ୟାୟାଳୟରେ ରହିଥିବା ବିଭିନ୍ନ ଅସୁବିଧା ସମ୍ପର୍କରେ ଅବଗତ ହେବା ସହିତ ଜିଲ୍ଲା କୋର୍ଟ ପରିଦର୍ଶନ କରିଥିଲେ । ଏହା ପରେ ଜିଲ୍ଲା ଓକିଲ ସଂଘ ପକ୍ଷରୁ ଏକ ଦାବିପତ୍ର ପ୍ରଦାନ କରାଯାଇଥିଲା । ଜିଲ୍ଲା କୋର୍ଟରେ ଓକିଲଙ୍କ ପାଇଁ କୌଣସି ପ୍ରକାର ଆନୁଷଙ୍ଗିକ ବ୍ୟବସ୍ଥା ନଥିବା ବେଳେ ଜିଲ୍ଲାରେ ଏକ ଫ୍ୟାମିଲି କୋର୍ଟ ସାଙ୍ଗକୁ ଭିଜିଲାନ୍ସ କୋର୍ଟ ଏବଂ ସମସ୍ତ ବ୍ଲକରେ ଥିବା କୋର୍ଟ ମାନଙ୍କରେ ଉଚିତ ବ୍ୟବସ୍ଥା ଯୋଗାଇ ଦେବା ପାଇଁ ଦାବି କରାଯାଇଛି ।