ଝାରସୁଗୁଡା: ଜାଲ ନୋଟ କାରବାରର ପର୍ଦ୍ଦାଫାସ। ୯୬ ହଜାର ୩୦୦ ଟଙ୍କା ଜାଲ ନୋଟ, ନୋଟ ଛାପିବା ମେସିନ ଜବତ କରିବା ସହ ବନହରପାଲି ପୋଲିସ 3 ଜଣଙ୍କୁ ଗିରଫ କରିଛ। ପେଟ୍ରୋଲ ପମ୍ପରେ ବାଇକରେ ତେଲ ଭରିବା ସମୟରେ ନକଲି ଶହେ ଟଙ୍କିଆ 2ଟି ନୋଟ ଦେବାରୁ ଧରାପଡିଥିଲା ଜାଲ ନୋଟ ।
ଜାଲ ନୋଟ କାରବାରର ପର୍ଦ୍ଦାଫାସ, ୯୬ ହଜାର ଜାଲ ନୋଟ ସହ 3 ଗିରଫ
ବନ୍ଧବାହାଲରେ ଥିବା ସ୍ବାଧୀନ କମ୍ପ୍ଲେକ୍ସରେ ଥିବା ଏକ ପେଟ୍ରୋଲ ପମ୍ପକୁ ଖଡାମ ଗାଁର ମହମ୍ମଦ ଅଜମାଲ ଗତକାଲି (ଶୁକ୍ରବାର)ସକାଳ 10ଟାରେ ତେଲ ଭରିବାକୁ ଯାଇ ଦୁଇଟି 100ଟଙ୍କିଆ ନକଲି ନୋଟ ଦେଇ ଖସି ପଳାଇବାକୁ ଉଦ୍ୟମ କରିଥିଲେ । ଏହି ସମୟରେ କୌଶଳ କ୍ରମେ ପେଟ୍ରୋଲ ପମ୍ପ କର୍ମଚାରୀ ଅଜମାଲକୁ ଅଟକାଇ ମାଲିକଙ୍କୁ ଖବର ଦେଇଥିଲେ। ମାଲିକ ତୁରନ୍ତ ପୋଲିସକୁ ସୂଚନା ଦେବା ପରେ ବନ୍ଧବାହାଲ ଫାଣ୍ଡି ଓ ବନହରପାଲି ଥାନା ପୋଲିସ ଘଟଣାସ୍ଥଳରେ ପହଞ୍ଚି ଅଜମାଲକୁ କାବୁ କରି ତଦନ୍ତ ଆରମ୍ଭ କରିଥିଲେ।