ଝାରସୁଗୁଡ଼ା: ନିର୍ବାଚନୀ ଆଚରଣ ବିଧି ଭୁଲିଗଲେ ବିଜେଡି ନେତା ନବ ଦାସ। ସାଧାରଣ ସଭାରେ ଲୋକଙ୍କୁ ଦେଖାଇଲେ ଲୋଭ। ବିଜେଡିକୁ ଭୋଟ ଦେଇ ଜିତାଇଲେ ନାନାଦି ପ୍ରକାରର ବ୍ୟବସ୍ଥା କରିବାକୁ ଦେଲେ ପ୍ରତିଶୃତି। ଯାହାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।
ଭିଡିଓ ସୌଜନ୍ୟ: ପ୍ରତିନିଧି, ଝାରସୁଗୁଡା
ସୂଚନାଯୋଗ୍ୟ, ବିଜେଡିର ଷ୍ଟାର ପ୍ରଚାରକ ଥିବା ନବ ଦାସ କୁଚିଣ୍ଡା ନିର୍ବାଚନ ମଣ୍ଡଳୀରେ ଏକ ସଭାକୁ ସମ୍ବୋଧନ କରୁଥିଲେ। ଦଳୀୟ ପ୍ରାର୍ଥୀଙ୍କୁ ଭୋଟ ଦେଇ ଜିତାଇବାକୁ ସେ ଉପସ୍ଥିତ ଲୋକଙ୍କୁ ନିବେଦନ କରିଥିଲେ। ତେବେ ଏହି ଅବସରରେ ସେ ଏପରି କିଛି କହିଦେଇଥିଲେ ଯାହାକୁ ଆଦର୍ଶ ଆଚରଣ ବିଧିର ଉଲ୍ଲଙ୍ଘନ ବୋଲି ବିଚାର କରାଯାଉଛି। ନବ କହିଥିଲେ କି, ବିଜେଡି ପ୍ରାର୍ଥୀ ଜିତିଲେ ପ୍ରତି ପଞ୍ଚାୟତରେ ଏସଏଚଜି ଗୁଡ଼ିକୁ ଦୁଇଟି ଲେଖାଏଁ ଘର ପ୍ରଦାନ କରାଯିବ। ବିନା ମରୁଡ଼ିରେ ବି ଚାଷୀଙ୍କୁ କିଭଳି ଟଙ୍କା ମିଳିବ ସେ ବ୍ୟବସ୍ଥା ମୁଁ କରିବି।