ଝାରସୁଗୁଡା: ପ୍ରଥମେ ସାକ୍ଷାତ । ସାକ୍ଷାତରୁ ଆରମ୍ଭ ହୁଏ ପ୍ରେମ । ଧୀରେ ଧୀରେ ଅବୈଧ ସଂପର୍କ ସ୍ଥାପନ । ପୁଣି ସ୍ବାମୀ ସ୍ତ୍ରୀ ହୋଇ ରହିବାର ମିଛ ପ୍ରତିଜ୍ଞା । ଆଉ ଏହି ଅବୈଧ ସଂପର୍କର କରୁଣ ପରିଣତି ଶେଷରେ ମା ଓ ଝିଅର ହୋଇଛି ହତ୍ୟା । ଆଉ ହତ୍ୟାକାଣ୍ଡ ରଚନା କରିଥିଲେ ଖୋଦ ପୂର୍ବତନ ବ୍ରଜରାଜ ନଗରର ବିଧାୟକ ଅନୁପ ସାଏ । ଗୁରୁବାର ଛତିଶଗଡର ରାୟଗଡ ପୋଲିସ ଅନୁପଙ୍କୁ ଉଠାଇ ନେବାପରେ ଆଜି ଏସପି ସନ୍ତୋଷ ସିଂହ ଏହି ସୂଚନା ଦେଇଛନ୍ତି ।
ଆଉ ଏହି ଘଟଣାର ପର୍ଦ୍ଦାଫାସ ହେବାପରେ ମୃତା ମହିଳାଙ୍କ ପୂର୍ବତନ ସ୍ବାମୀ ସୁନୀଲ ଶ୍ରୀବାସ୍ତବ ଏନେଇ ପ୍ରତିକ୍ରିୟା ରଖିଛନ୍ତି । ସେ କହିଛନ୍ତି ତାଙ୍କର 2001ରେ ବିବାହ ହୋଇଥିଲା । ଘରୋଇ କଳହ ଯୋଗୁଁ 2004ରେ ସେମାନେ ଅଲଗା ରହୁଥିଲେ । 2011ରେ ତାଙ୍କର ଛାଡପତ୍ର ହୋଇଥିଲା । ମୃତ ମହିଳା ଓ ନାବାଳିକା ତାଙ୍କର ପତ୍ନୀ ଓ ଝିଅ ଥିଲେ । ଏହି ହତ୍ୟାକଣ୍ଡ ମୁଁ 2017ରେ ଜାଣିଲି । ସେ ଅନୁପ ସାଏଙ୍କ ସହ ରହୁଥିବା ମୁଁ ଶୁଣିଛି । ସେ କହିଛନ୍ତି ମୋତେ ପୋଲିସ ଯାହା ପଚାରିଲା ମୁଁ କହିଛି । ଏହାସହ ସେ ଦାବି କରିଛନ୍ତି ମୋର ନିର୍ଦ୍ଦୋଶ ଝିଅକୁ ହତ୍ୟା କରିଛି ତାକୁ କଡା ଦଣ୍ଡ ମିଳୁ ।