ଯାଜପୁର: ରେଳଧାରଣାରୁ ଯୁବକଙ୍କ ମୃତଦେହ ଉଦ୍ଧାର। ମୃତ ଯୁବକ ଜଣକ ହେଲେ ସ୍ଥାନୀୟ ଟିକରସାହି ଗାଁର ବିଶ୍ବଭୂଷଣ ବେହେରା ଓରଫ୍ ଚନ୍ଦନ।ତେବେ ଘଟଣାଟି ଯାଜପୁର ଧର୍ମଶାଳା ଥାନା ହରିଦାସପୁର ଷ୍ଟେସନ ପାଖରୁ ଉଦ୍ଧାର କରାଯାଇଛି। ତେବେ ବିଶ୍ବଭୂଷଣକୁ କେହି ହତ୍ୟା କରିଥିବା ଅଭିଯୋଗ କରିଛନ୍ତି ପରିବାର ଲୋକେ।
ରେଳ ଧାରଣାରୁ ଯୁବକଙ୍କ ମୃତଦେହ ଉଦ୍ଧାର,ହତ୍ୟା ସନ୍ଦେହ
ସୂଚନା ଅନୁସାରେ, ଗତକାଲି ଏକ ଲୁନାରେ ମୃତ ଯୁବକ ଜଣକ ଅଷ୍ଟମୀ ଭାର ନେଇ ଆରୁହା ନିକଟ ପାଟଣା ଗାଁକୁ ଭଉଣୀ ଘରକୁ ଯାଇଥିଲେ। ସେଠାରୁ ନିଶାସକ୍ତ ଅବସ୍ଥାରେ ହାଟ ପାଖ ଫୁଟପାଥରେ ଅଣ୍ଡାଚପ୍ ଖାଇବା ସହ ଅଣ୍ଡାର ଦାମକୁ ନେଇ ଦୋକାନୀ ସହ ଯୁବକ ଜଣକ ଝଗଡା କରିଥିଲେ ।
ଏହାପରେ ସ୍ଥାନୀୟ ଅଞ୍ଚଳର ଏକ ବାଇକ ସହ ଯୁବକ ଜଣକ ଧକ୍କା ଦେଇଥିଲେ। ଯାହାକୁ ନେଇ ସ୍ଥାନୀୟ ଅଞ୍ଚଳର କିଛି ଯୁବକ ଚନ୍ଦନକୁ ଅଟକ ରଖି କ୍ଷତିପୂରଣ ଦାବୀ କରିଥିଲେ। ହେଲ ରାତି ପ୍ରାୟ ସାଢେ 9ଟା ବେଳେ ସେଠାରେ ପରିବାର ଲୋକ ନପଞ୍ଚିବାରୁ ସମସ୍ତେ ଘରକୁ ଫେରି ଆସିଥିଲେ।