ଯାଜପୁର: ସହରର ବ୍ୟାସନଗର ଏନସି ହାଇସ୍କୁଲ ଖେଳପଡ଼ିଆରେ ଆରମ୍ଭ ହେଇଛି ଦୁଇ ଦିନିଆ ପ୍ରଥମ ଆନ୍ତଃଜିଲ୍ଲା ଦୃଷ୍ଟିବାଧିତ କ୍ରିକେଟ ଟୁର୍ଣ୍ଣାମେଣ୍ଟ । କଳିଙ୍ଗନଗର ଶିଳ୍ପାଞ୍ଚଳର ଭିସା ଗ୍ରୁପ୍ ଓ ଭିନ୍ନକ୍ଷମ ସଶକ୍ତିକରଣ ପାଇଁ କାର୍ଯ୍ୟ କରୁଥିବା ସାମାଜିକ ସଂଗଠନ ''ଆଶା ଅଭିଳାଷା''ର ମିଳିତ ଆନୁକୂଲ୍ୟରେ ଏହି ଟୁର୍ଣ୍ଣାମେଣ୍ଟର ଆୟୋଜନ କରାଯାଇଛି ।
ଯାଜପୁରରେ ଦୁଇଦିନିଆ ଦୃଷ୍ଟିବାଧିତ କ୍ରିକେଟ ଟୁର୍ଣ୍ଣାମେଣ୍ଟ ଉଦ୍ଘାଟିତ
ଏହି ଟୁର୍ଣ୍ଣାମେଣ୍ଟକୁ ଯାଜପୁର ଏସପି ରାହୁଲ ପିଆର୍ ଉଦଘାଟନ୍ କରିଛନ୍ତି। ସମ୍ମାନିତ ଅତିଥି ଭାବେ ଭିସା ଷ୍ଟିଲ୍ କାରଖାନାର ପପରିଚାଳନା ନିର୍ଦ୍ଦେଶକ ମନୋଜ କୁମାର ଓ ରାଜ୍ୟ ମହିଳା କଂଗ୍ରେସ ସଭାନେତ୍ରୀ ବନ୍ଦିତା ପରିଡାଙ୍କ ସହ ଓଡିଶା ଦୃଷ୍ଟିବାଧିତ କ୍ରିକେଟ ଆସୋସିଏସନର ଜାତୀୟ ସ୍ତରର କର୍ମକର୍ତ୍ତା ଯୋଗ ଦେଇଛନ୍ତି ।