ଯାଜପୁର: ବେଆଇନ ଭାବେ ଗୁଟଖା ବା ଗୁଣ୍ଡି ଚାଲାଣବେଳେ ପୋଲିସ ହାତରେ ଧରା ପଡ଼ିଲେ ଦୁଇ ଅଭିଯୁକ୍ତ । ଏଭଳି ଏକ ଘଟଣା ଦେଖିବାକୁ ମିଳିଛି ଯାଜପୁର ଜିଲ୍ଲା କୁଆଖିଆ ଥାନା ଅଞ୍ଚଳରେ । ଗିରଫ ଅଭିଯୁକ୍ତଙ୍କ ନିକଟରୁ ବିପୁଳ ପରିମାଣରେ ଗୁଟଖା ପ୍ୟାକେଟ ଓ ଗୁଣ୍ଡି ପାଉଡର ଜବତ କରିଛି ପୋଲିସ । ବହୁ ଦିନ ଧରି ଏହି ଅଭିଯୁକ୍ତମାନେ ଏହି ବେଆଇନ ଗୁଟଖା କାରବାରରେ ସମ୍ପୃକ୍ତ ରହିଥିବା ନେଇ ପୋଲିସ ସୂଚନା ଦେଇଛି ।
କୁଆଖିଆରେ ବେଆଇନ ଗୁଠଖା କାରବାର, ଦୁଇ ଗିରଫ
କୁଆଖିଆ ଥାନା ବଡ଼ବିରୁଆଁ ଛକ ନିକଟରେ ବିଭିନ୍ନ ଗାଡ଼ି ଯାଞ୍ଚ ଚଳାଇଥିଲା ପୋଲିସ । ଯାଞ୍ଚ ବେଳେ ଏକ କାରରୁ ୪ ବସ୍ତା ଗୁଣ୍ଡି ପାଉଡର, ଗୁଟଖା ପ୍ୟାକିଂ ପାଇଁ ପଲିଥିନ ଓ ଦୁଇ ବଣ୍ଡଲ ଗୁଟଖା ରାପ୍ ଜବତ କରିଛି କୁଆଖିଆ ପୋଲିସ । ଗିରଫ ହୋଇଥିବା ଦୁଇ ଗୁଟଖା ବ୍ୟବସାୟୀ ହେଉଛନ୍ତି ସ୍ଥାନୀୟ ଅଞ୍ଚଳର ସମରେଶ ସାହୁ ଓ ଧର୍ମାଶିଷ ସାହୁ । ଦୁଇ ଜଣ ବହୁଦିନ ଧରି ଏହି ଥାନା ଅଞ୍ଚଳରେ ଗୁଟଖା ତିଆରି ରାଜ୍ୟର ବିଭିନ୍ନ ଜିଲ୍ଲାକୁ ଚାଲାଣ କରୁଥିବା ନେଇ ସୂଚନା ମିଳିଛି।