ଯାଜପୁର: 2 ବର୍ଷ ତଳେ ସାରା ଦେଶରେ ଚର୍ଚ୍ଚାର ପରିସରକୁ ଆସିଥିଲା ସୁକିନ୍ଦା ଅଞ୍ଚଳର ନଗଡା । ଅପପୁଷ୍ଟି ରୋଗର ଠିକଣା ଭାବେ ନଗଡା ପାଇଥିଲା ନୂଆ ପରିଚୟ । ଏହି ମାରାତ୍ମକ ରୋଗ ଯୋଗୁଁ ବିନା କୌଣସି ଦୋଷରେ ମୃତ୍ୟୁ ଶଯ୍ୟାକୁ ଟାଣି ହୋଇଯାଇଥିଲେ 19 ନିଷ୍ପାପ ଶିଶୁ । ହେଲେ ଘଟଣାକୁ ଏବେ ପୁରିଛି 2 ବର୍ଷ । ସେ ସମୟର ନଗଡା ଓ ଏବେର ନଗଡାରେ କ'ଣ ରହିଛି ତଫାତ୍, ଏନେଇ ଦେଖନ୍ତୁ ନଗଡାରୁ 'ଇଟିଭି'ର ଗ୍ରାଉଣ୍ଡ ଜିରୋ ରିପାର୍ଟ ।
ଭିଡିଓ ସୌଜନ୍ୟ: ସମ୍ବାଦଦାତା, ଯାଜପୁର
ନଗଡାର ନାମ ଆସିଲେ ଆଖି ସାମ୍ନାକୁ ଚାଲିଆସେ ସେହି ନିଷ୍ପାପ ଓ କୋମଳ ଅପପୁଷ୍ଟିର ଶିକାର ଶିଶୁଙ୍କ ଚେହେରା । ବର୍ତ୍ତମାନ ଏହି ଘଟଣାକୁ ଦୁଇ ବର୍ଷ ବିତିଛି ସତ, ଆଉ ସମୟ ସହ ଏହି ଅଞ୍ଚଳର ପରିସ୍ଥିତିରେ ଆସିଛି ସାମାନ୍ୟ ସୁଧାର । ଅପପୁଷ୍ଟି ରୋଗ କଥା ପ୍ରଘଟ ହେବା ପରେ ଏହି ଅଞ୍ଚଳକୁ ଛୁଟିଥିଲା କେନ୍ଦ୍ର ଓ ରାଜ୍ୟର ବଡ ବଡ ନେତା ତଥା ଅଫିସର ଓ ଡାକ୍ତରଙ୍କ ସୁଅ । ଫଳରେ ପୂର୍ବରୁ ଯେଉଁ ଅଞ୍ଚଳରେ ରହିବା ପାଇଁ ଘରଟିଏ ନଥିଲା, ଏବେ ସେଠି ପହଞ୍ଚିଛି ବିଜୁ ପକ୍କାଘର।