ଯାଜପୁର: ବ୍ରାହ୍ମଣୀ ଓ ଖରସ୍ରୋତା ନଦୀର ଜଳସ୍ତର ହଠାତ ବୃଦ୍ଧି ଫଳରେ ଭାସିଗଲେ ଯାଜପୁର ଜିଲ୍ଲା ରସୁଲପୁର ବ୍ଲକ ଅଞ୍ଚଳର ଚନ୍ଦନ ବେହେରା । ଗୋଟେ ତାଳଗଛର ଆଶ୍ରା ନେଇ ରହିଲେ ଦୀର୍ଘ 12 ଘଣ୍ଟା । ସୂଚନା ମୁତାବକ, ରସୁଲପୁର ବ୍ଳକର ଚନ୍ଦନ ବେହେରା ଗତକାଲି ରାତିରେ ଘର ଆଗରେ ଠିଆ ହୋଇଥିବା ସମୟରେ ହଠାତ ବନ୍ୟା ପାଣି ମାଡ଼ି ଆସିବା ଫଳରେ ଚନ୍ଦନଙ୍କୁ ଭସେଇ ନେଇଥିଲା ।
ବନ୍ୟା ପାଣିରେ ଭାସିଯାଇ ତାଳଗଛରୁ ଉଦ୍ଧାର ହେଲେ ଯୁବକ
ତେବେ ଚନ୍ଦନ ଭାସି ଭାସି ଏକ ତାଳଗଛରେ ଅଟକି ରହିଥିଲେ । ସାହାଯ୍ୟ ପାଇଁ ଚିତ୍କାର କରିଥିଲେ ମଧ୍ୟ କେହି ତାଙ୍କ ଚିତ୍କାର ଶୁଣିବାକୁ ପାଇ ନଥିଲେ । ତେବେ ଦୀର୍ଘ ୧୨ ଘଣ୍ଟା ଗଛରେ ରହିବା ପରେ ଗାଁଲୋକ ଜାଣିବା ପରେ ଜିଲ୍ଲା ପ୍ରଶାସନକୁ ଖବର ଦେଇଥିଲେ ।