ଯାଜପୁର: କୋଭିଡ କଟକଣା ଯୋଗୁଁ ଯାଜପୁର ଜିଲ୍ଲାରେ ବିଭିନ୍ନ ମନ୍ଦିରରେ ରଥଯାତ୍ରା ବନ୍ଦ । ପୂଜାର୍ଚ୍ଚନା ପରେ ମନ୍ଦିର ବନ୍ଦ ହେଇଥିବା ଦେଖିବାକୁ ମିଳିଛି। ସୂଚନା ମୁତାବକ କରୋନା ସଂକ୍ରମଣ ଭୟରେ ରାଜ୍ୟ ସରକାର କେବଳ ପୁରୀରେ ମହାପ୍ରଭୁ ଜଗନ୍ନାଥଙ୍କ ରଥଯାତ୍ରା ବ୍ୟତୀତ କୌଣସି ସ୍ଥାନରେ ରଥ ନ ଟାଣିବାକୁ ନିୟମ ଲାଗୁ କରାଯାଇଛି ।
ଯାହାକୁ ଆଧାର କରି ବ୍ୟାସନଗର ପୌରପରିଷଦରେ କୌଣସି ସ୍ଥାନରେ ଜଗନ୍ନାଥଙ୍କ ମନ୍ଦିରରେ ରଥ ଟଣା ଯାଇଥିବା ଦେଖିବା ମିଳିନଥିଲେ । କେବଳ କୋଭିଡ ନିୟମ ଅନୁଯାୟୀ ଯାଜପୁର ରୋଡ ବ୍ୟାସ ସରୋବର ସ୍ଥିତ ଜଗନ୍ନାଥ ମନ୍ଦିରରେ ପ୍ରଥମେ ଛେରା ପହଁରା କରାଯିବା ପରେ ପ୍ରଭୁଙ୍କୁ ଗୁଣ୍ଡିଚା ମନ୍ଦିରର ଆସ୍ଥାନରୁ ଆଣି ଅନ୍ୟ ଏକ ସ୍ଥାନରେ ପ୍ରଭୁ ଜଗନ୍ନାଥଙ୍କୁ ରଖା ଯାଇଥିଲା । ତେବେ ରଥ ଟଣା ନଯିବାରୁ ଭକ୍ତଙ୍କ ମନରେ ଦୁଃଖ ପ୍ରକାଶ ହୋଇଥିଲା ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
