ଯାଜପୁର: ଡାକ୍ତରଖାନାକୁ ଚିକିତ୍ସିତ ହେବାକୁ ଆସି ଫେରାର ହୋଇ ଯାଇଥିବା ବିଚାରଧୀନ କଏଦୀକୁ କାବୁ କଲେ ଜେଲ କର୍ମଚାରୀ । ଯାଜପୁର ମୁଖ୍ୟ ଡାକ୍ତରଖାନାର ମେଡିସିନ ୱାର୍ଡକୁ ଚିକିତ୍ସିତ ହେବାକୁ ଆସିଥିଲେ ଯାଜପୁର ରୋଡ ସବଜେଲର ବିଚାରଧୀନ କଏଦୀ ଶେଖ୍ ହାରିଫ ।
ଡାକ୍ତରଖାନାକୁ ଫେରାର ହୋଇ ଯାଇଥିବା ବିଚାରାଧୀନ କଏଦୀକୁ କାବୁକଲେ ଜେଲ କର୍ମଚାରୀ ତେବେ ତାଙ୍କର ଚିକିତ୍ସା ଚାଲୁଥିବା ସମୟରେ ପାଇଖାନା ଯିବାକୁ କହି ପାଇଖାନା ଭିତରପଟୁ କବାଟ ବନ୍ଦ କରି ଫେରାର ହୋଇଯାଇଥିଲେ । ଶେଷରେ ବହୁ ଖୋଜାଖୋଜି ପରେ ଡାକ୍ତରଖାନାର ସିକ୍ୟୁରିଟି ଗାର୍ଡଙ୍କ ସହାୟତାରେ ଜେଲ କର୍ମଚାରୀମାନେ ତାଙ୍କୁ କାବୁ କରିଥିଲେ । ଏବେ ଉକ୍ତ କଏଦୀକୁ ସ୍ବତନ୍ତ୍ର ସୁରକ୍ଷା ମଧ୍ୟରେ ଚିକିତ୍ସା କରାଯାଉଛି ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
