ଯାଜପୁର:ଯାଜପୁର ରୋଡ୍ ରେଳ ବିଭାଗ ବ୍ଯାରେକରେ ରେଲୱେ ସୁରକ୍ଷା ବାହିନୀ ପକ୍ଷରୁ ଏକ ସାମ୍ବାଦିକ ସମ୍ମଳନୀ ଅନୁଷ୍ଠିତ ହୋଇ ଯାଇଛି। ଏହି ସାମ୍ବାଦିକ ସମ୍ମିଳନୀରେ ପୂର୍ବତଟ ରେଲୱେ ସୁରକ୍ଷା ବାହିନୀ ଆଇ.ଜି ରାଜା ରାମ ଯୋଗଦେଇ ସାମ୍ବାଦିକମାନଙ୍କ ବିଭିନ୍ନ ପ୍ରଶ୍ନର ଉତ୍ତର ରଖିଥିଲେ। ରେଲୱେ ବିଭାଗର ବାର୍ଷିକ ନିରୀକ୍ଷଣ ଅବସରରେ ଏହି ସାମ୍ବାଦିକ ସମ୍ମିଳନୀ କରାଯାଇଥିଲା। ଏହି ସାମ୍ବାଦିକ ସମ୍ମିଳନୀରେ ରେଲେୱେର ବିଭିନ୍ନ ସୁରକ୍ଷା ବ୍ୟବସ୍ଥା ଓ ଅନ୍ୟାନ୍ୟ ସୁବିଧା ବିଷୟରେ ଆଲୋଚନା ହୋଇଥିଲା। ଗତ ଏକ ବର୍ଷ ମଧ୍ୟରେ ରେଲୱେ ପକ୍ଷରୁ ହୋଇଥିବା ତଦନ୍ତ କାର୍ଯ୍ୟ ଉପରେ ଆଲୋକପାତ କରାଯାଇଥିଲା ।
ଏହି ସାମ୍ବାଦିକ ସମ୍ମିଳନୀରେ ରେଲୱେ ସୁରକ୍ଷା ବାହିନୀ ପକ୍ଷରୁ ହୋଇଥିବା ବିଭିନ୍ନ କାର୍ଯ୍ୟକୁ ନେଇ ସବିଶେଷ ବିବରଣୀ ପ୍ରଦାନ କରିଥିଲେ ରେଲୱେ ସୁରକ୍ଷା ବାହିନୀ ଆଇ.ଜି । ଏହାସହ କୋରୋନା ଭାଇରସ ସମୟରୁ ଆଜି ପର୍ଯ୍ୟନ୍ତ ବିଭାଗ ପକ୍ଷରୁ ନିଆଯାଇଥିବା ବିଭିନ୍ନ ପଦକ୍ଷେପ ସମ୍ପର୍କରେ ମଧ୍ୟ ଆଲୋଚନା କରାଯାଇଥିଲା। ସେହିପରି ମହିଳା ମାନଙ୍କ ସୁରକ୍ଷାକୁ ଦୃଷ୍ଟିରେ ରଖି ବିଭାଗ ପକ୍ଷରୁ ଗତ ଅକ୍ଟୋବର ୧୬ ତାରିଖରୁ ନୂତନ ଭାବେ ଆରମ୍ଭ ହୋଇଥିବା ମେରି ସହେଲି ଯୋଜନା ସମ୍ପର୍କରେ ଆଲୋଚନା ହୋଇଛି। ଗତ ଏକ ବର୍ଷ ମଧ୍ୟରେ ସୁରକ୍ଷା ବାହିନୀ ଦ୍ବାରା ୪୬୦ଜଣ ମହିଳାଙ୍କୁ ଉଦ୍ଧାର କରାଯାଇଛି । ଏହାସହ ୫୦ ଲକ୍ଷ ଟଙ୍କାର ଗଞ୍ଜେଇ ସହ ୯୮ ଲକ୍ଷ ଟଙ୍କାର ଲଗେଜ୍, ଜବତ୍ କରିଛି ସୁରକ୍ଷା ବାହିନୀ ।