ଡାକ୍ତରଖାନା ଭିତ୍ତିଭୂମି ସଜାଡିବାକୁ ଅଣ୍ଟା ଭିଡିଲେ ବିଧାୟକ

ଖଣିଜ ସମ୍ପଦ ଭରା ସୁକିନ୍ଦାରେ ମିଳିବ ଉଚ୍ଚମାନର ସ୍ବାସ୍ଥ୍ୟସେବା । ଉନ୍ନତ ମାନର ସ୍ବାସ୍ଥ୍ୟସେବା ପାଇଁ ବିଧାୟକ ଆରମ୍ଭ କଲେ କାର୍ଯ୍ୟ ।

ଯାଜପୁର: ସୁକିନ୍ଦା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରର ଭିତ୍ତିଭୂମି ସଜାଡିବା ପାଇଁ ଅଣ୍ଟା ଭିଡିଲେଣି ସୁକିନ୍ଦା ବିଧାୟକ ପ୍ରିତୀରଞ୍ଜନ ଘଡାଇ । ସ୍ବାସ୍ଥ୍ୟକେନ୍ଦ୍ରର ନୂତନ ବିଲ୍ଡିଂ ଉଦଘାଟନ କରିବା ସହ ଡାକ୍ତର ଏବଂ କର୍ମଚାରୀଙ୍କ କ୍ବାଟର ନିମନ୍ତେ ଭିତିପ୍ରସ୍ତର ସ୍ଥାପନ କରିଛନ୍ତି ।

ଖଣି ଅଞ୍ଚଳ ଭାବେ ଜଣାଶୁଣା ସୁକିନ୍ଦା। ଉନ୍ନତ ମାନର ସ୍ବାସ୍ଥ୍ୟସେବା ଯୋଗାଇ ଦେବାକୁ ଅତ୍ୟାଧୁନିକ ଯନ୍ତ୍ରପାତି ସହ ଶବ ସଂରକ୍ଷଣ ନିମନ୍ତେ ରେଫ୍ରିଜେରେଟର ବ୍ୟବସ୍ଥା ଖୁବଶୀଘ୍ର କରାଯିବ ବୋଲି ବିଧାୟକ ଘୋଷଣା କରିଛନ୍ତି ।

ଖାଲି ପଡିଥିବା ଡାକ୍ତର ଓ କର୍ମଚାରୀ ପଦବୀ ପାଇଁ ଡିଏମଏଫ ପାଣ୍ଠିରୁ ଅର୍ଥ ଯୋଗାଇ ଦିଆଯିବ ବୋଲି ବିଧାୟକ ସୂଚନା ଦେଇଛନ୍ତି। ଏହି କାର୍ଯ୍ୟକ୍ରମରେ ସୁକିନ୍ଦା ବ୍ଲକ ଅଧ୍ୟକ୍ଷ, ଉପାଧ୍ୟକ୍ଷଙ୍କ ସମେତ ବିଭିନ୍ନ ପଞ୍ଚାୟତର ସରପଞ୍ଚ ଓ ସମିତିସଭ୍ୟ ମାନେ ଉପସ୍ଥିତ ଥିଲେ।

ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ