ଯାଜପୁରରେ ଆରମ୍ଭ ହେଲା ସ୍କୁଲ ବ୍ୟାଗ ଯାଞ୍ଚ ପ୍ରକ୍ରିୟା

ଶନିବାର ଯାଜପୁରର ସବୁ ବିଦ୍ୟାଳୟରେ ଚାଲିଥିବା କଡା ଯାଞ୍ଚ । ଯାଞ୍ଚ ଟିମରେ ସର୍ବଶିକ୍ଷା ଅଭିଯାନ ଜିଲ୍ଲା ପ୍ରକଳ୍ପ ସଂଯୋଜକ ଓ ବ୍ଲକ ଶିକ୍ଷାଧିକାରୀ ସାମିଲ ଥିଲେ ।

ଯାଜପୁର: ସ୍କୁଲ ଛାତ୍ରଛାତ୍ରୀଙ୍କ ଉପରେ ବହି ବସ୍ତାନୀ ବୋଝ ନେଇ ଯାଜପୁରରେ ଯାଞ୍ଚ ପ୍ରକ୍ରିୟା କଡାକଡି । ଶନିବାର ଜିଲ୍ଲା ଶିକ୍ଷାଧିକାରୀ କୃଷ୍ଣଚନ୍ଦ୍ର ନାୟକଙ୍କ ନେତୃତ୍ବରେ ବିଭିନ୍ନ ସରକାରୀ ଓ ବେସରକାରୀ ସ୍କୁଲରେ ଏଭଳି ଯାଞ୍ଚ କରାଯାଇଛି ।

ଅନେକ ବିଦ୍ୟାଳୟରେ ଛାତ୍ରଛାତ୍ରୀମାନେ ଆବଶ୍ୟକତାଠାରୁ ଅଧିକ ବହି ଆଣୁଥିବା ଦେଖିବାକୁ ମିଳିଥିଲା । ଏଥିସହିତ ଅନେକ ବିଦ୍ୟାଳୟରେ ମଧ୍ୟ ଏନଓସି ନଥିବା ଦେଖିବାକୁ ପାଇଥିଲେ ଯାଞ୍ଚ ଅଧିକାରୀ । ନିୟମ ଉଲଂଘନ କରୁଥିବା ବିଦ୍ୟାଳୟ କର୍ତ୍ତୃପକ୍ଷଙ୍କୁ ଏନେଇ ଚେତାବନୀ ମଧ୍ୟ ଦିଆଯାଇଛି ।

ଦିନେ କିମ୍ବା ଦୁଇ ଦିନ ମଧ୍ୟରେ ଛାତ୍ରଛାତ୍ରୀଙ୍କ ବ୍ୟାଗ୍‌ର ଓଜନ ହ୍ରାସ କରିବା ପାଇଁ ନିର୍ଦ୍ଦେଶ ଦିଆଯାଇଛି । ନିୟମକୁ କାର୍ଯ୍ୟକାରୀ କରାନଗଲେ ଆଇନ ଅନୁଯାୟୀ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଜିଲ୍ଲା ଶିକ୍ଷାଧିକାରୀ ନିର୍ଦ୍ଦେଶ ଦେଇଛନ୍ତି । ତେବେ ଶନିବାର ହୋଇଥିବା ଏହି ଯାଞ୍ଚ ଟିମରେ ସର୍ବଶିକ୍ଷା ଅଭିଯାନର ଜିଲ୍ଲା ପ୍ରକଳ୍ପ ସଂଯୋଜକ ଓ ବ୍ଲକ ଶିକ୍ଷାଧିକାରୀ ପ୍ରମୁଖ ସାମିଲ ହୋଇଥିଲେ ।

ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ