ଯାଜପୁର: ପାଣିକୋଇଲି ଥାନା ଚାନ୍ଦପୁର ଛକ ନିକଟରେ ମର୍ମନ୍ତୁଦ ସଡକ ଦୁର୍ଘଟଣା । ବାଇକ- ଟ୍ରକ ଧକ୍କାରେ ବାଇକ ଆରୋହୀଙ୍କର ମୃତ୍ୟୁ ହୋଇଥିବାବେଳେ 2ଜଣ ଆହତ ହୋଇଛନ୍ତି। ତେବେ ମୃତ୍ୟୁକ ଜଣକ ହେଲେ, ସ୍ଥାନୀୟ ପାଣିକୋଇଲି ତାରିଣୀ ମହାବିଦ୍ୟାଳୟର ରାଜନୀତି ବିଜ୍ଞାନର ଅଧ୍ୟାପକ ଶିଶିର କୁମାର ଶତପଥୀ ।
ଭିଡିଓ ସୌଜନ୍ୟ: ସମ୍ବାଦଦାତା, ଯାଜପୁର
ସୂଚନାମୁତାବକ, ସୋମବାର ଦିନ ପରୀକ୍ଷା ଦେବାକୁ ଅଧ୍ୟାପକ ଶିଶିର କୁମାରଙ୍କ ସହିତ ସେଇ ମହାବିଦ୍ୟାଳୟର +3 କଳାର 2 ଛାତ୍ରୀ ଯାଉଥିବା ସମୟରେ ଏହି ଦୁର୍ଘଟଣା ଘଟିଥିଲା । ଖବର ପାଇ ପାଣିକୋଇଲି ପୋଲିସ ଘଟଣାସ୍ଥଳରେ ପହଞ୍ଚି ଗୁରୁତର 3ଜଣଙ୍କୁ ପ୍ରଥମେ ଚିକିତ୍ସା ପାଇଁ ଯାଜପୁର ରୋଡ ସ୍ୱାସ୍ଥ୍ୟ କେନ୍ଦ୍ରକୁ ଆଣି ଥିଲେ। ତେବେ ଡାକ୍ତର 3ଜଣଙ୍କୁ ଚିକିତ୍ସା ପରେ ଅଧ୍ୟାପକ ଶିଶିର କୁମାର ଶତପଥୀଙ୍କୁ ମୃତ୍ୟୁ ଘୋଷଣା କରିଥିଲେ । ତେବେ ଅଧିକ ଚିକିତ୍ସା ନିମନ୍ତେ ଛାତ୍ରୀ 2ଜଣଙ୍କୁ ବର୍ତ୍ତମାନ କଟକ ସ୍ଥାନାନ୍ତରିତ କରାଯାଇଛି। ସୂଚନାଥାଉକି, ଆହତ ଛାତ୍ରୀ 2ଜଣଙ୍କର ଘର ଯାଜପୁର ଥାନା ପହଙ୍ଗା ଅଞ୍ଚଳର ।