ଟ୍ରାକ୍ଟର ଧକ୍କାରେ ମହିଳା ମୃତ

ଯାଜପୁର ଜିଲ୍ଲା କୋରେଇ ଥାନା ଅନ୍ତର୍ଗତ ବରୁଣ୍ଡେଇ ପେଟ୍ରୋଲ ପମ୍ପ ନିକଟରେ ଅଘଟଣ । ଟ୍ରାକ୍ଟର ଧକ୍କାରେ ମହିଳା ମୃତ । ଅଧିକ ପଢନ୍ତୁ...

ଯାଜପୁର:ଟ୍ରାକ୍ଟର ଧକ୍କାରେ ମହିଳା ମୃତ । ଯାଜପୁର ଜିଲ୍ଲା କୋରେଇ ଥାନା ଅନ୍ତର୍ଗତ ବରୁଣ୍ଡେଇ ପେଟ୍ରୋଲ ପମ୍ପ ନିକଟରେ ଅଘଟଣ । ଜଣେ ମହିଳାଙ୍କରୁ ଟ୍ରାକ୍ଟର ଧକ୍କା ଦେବା ଫଳରେ ତାଙ୍କର ମୃତ୍ୟୁ ହୋଇଛି ।

ସୂଚନାଅନୁସାରେ, ପୂର୍ଵକୋର୍ଟ ଗାଁର ଗୌରୀ ଆଉଲା ନିଜ ପୁଅ ସହିତ ଆଜି (ମଙ୍ଗଳବାର) ବୈତରଣୀ ରୋଡ ବରୁଣ୍ଡେଇ ବାଜାରକୁ ଯାଇଥିଲେ । ବଜାରରେ ରାସ୍ତା ପାରି ହେବା ସମୟରେ ମକୁନ୍ଦପୁର ବାଲି ଘାଟରୁ ଆସୁଥିବା ଏକ ଟ୍ରାକ୍ଟର ଗୋରୀଙ୍କ ଉପରେ ଚଢ଼ି ଯାଇଥିଲା । ଫଳରେ ଘଟଣାସ୍ଥଳରେ ଗୈରୀଙ୍କର ମୃତ୍ୟୁ ହୋଇଥିଲା । ଦୁର୍ଘଟଣାରେ ଗୌରୀଙ୍କ ପୁଅ ଅଳ୍ପକେ ବର୍ତ୍ତି ଯାଇଛନ୍ତି ।

ସ୍ଥାନୀୟ ଲୋକେ ଦୁର୍ଘଟଣାସ୍ଥଳକୁ ଆସି ଟ୍ରାକ୍ଟରକୁ ଅଟକାଇ ପୋଲିସକୁ ଖବର ଦେଇଥିଲେ । ତେବେ ଘଟଣା ସ୍ଥଳରେ କୋରେଇ ପୋଲିସ ପହଞ୍ଚି ମୃତଦେହକୁ ବ୍ୟବଚ୍ଛେଦ ପାଇଁ ପଠାଇଛି। ଏଥି ସହିତ ଦୁର୍ଘଟଣାର ସମ୍ପର୍କରେ ତଦନ୍ତ ଜାରି ରଖିଛି।

ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ