ଯାଜପୁର: ବିରଳ ପ୍ରଜାତିର ଶାଗୁଣା ଉଦ୍ଧାର । ଯାଜପୁର ଜିଲ୍ଲା ବରୀ ବ୍ଲକ ନୀଳପଦା ଗାଁରୁ ବିରଳ ପ୍ରଜାତିର ଶାଗୁଣା ପକ୍ଷୀ ଉଦ୍ଧାର । ଆହାତ ଅବସ୍ଥାରେ ଶାଗୁଣାକୁ ଉଦ୍ଧାର କରିଥିଲେ ଗ୍ରାମବାସୀ । ଏନେଇ ବନବିଭାଗକୁ ଖବର ଦେଇଥିଲେ । ବନ କର୍ମଚାରୀ ଶାଗୁଣାକୁ ଉଦ୍ଧାର କରି ଆଶୁ ଚିକିତ୍ସା କରିଥିଲେ । ଏହାପରେ ଅଧିକ ଚିକିତ୍ସା ନିମନ୍ତେ ନନ୍ଦନକାନନ ପଠାଇଛନ୍ତି ।
ବିରଳ ପ୍ରଜାତିର ଶାଗୁଣା ଉଦ୍ଧାର, ଚିକିତ୍ସା ପାଇଁ ପଠାଗଲା ନନ୍ଦନକାନନ
ସୂଚନା ମୁତାବକ, ଗତକାଲି ଅପରାହ୍ନରେ ଯାଜପୁର ଜିଲ୍ଲା ବରୀ ବ୍ଲକ ନୀଳପଦା ଗାଁ ବିରୂପା ନଦୀପଠାରେ ବିରଳ ପ୍ରଜାତିର ପକ୍ଷୀଟିଏ ଥିବା ଦେଖିଥିଲେ ଗ୍ରାମବାସୀ । ପ୍ରଥମେ କିଛି ଛୋଟ ପିଲା ପକ୍ଷୀଟିକୁ ଦେଖିବା ପରେ ଗ୍ରାମବାସୀଙ୍କୁ ଖବର ଦେଇଥିଲେ । ହଠାତ ଏତେବଡ଼ ପକ୍ଷୀକୁ ଦେଖି ଗ୍ରାମବାସୀ ପ୍ରଥମେ ଡରି ଯାଇଥିଲେ । ପରେ ପକ୍ଷୀଟିକୁ ଉଦ୍ଧାର କରି ରାତିରେ ରଖିଥିଲେ । ଏହାପରେ ବନ ବିଭାଗୀୟ ଅଧିକାରୀଙ୍କୁ ଜଣାଇଥିଲେ । ଆଜି ସକାଳ ପ୍ରାୟ ୯ଟା ବେଳେ ବନ କର୍ମଚାରୀ ଗାଁକୁ ଆସି ଉଦ୍ଧାର କରିଥିଲେ ।