ଯାଜପୁର: ଘରେ ଛାଡି ଦେବାକୁ କହି ଅପହରଣ କରାଯିବାପରେ ଜଣେ ନାବାଳିକାକୁ ଏକାଧିକ ଥର ଦୁଷ୍କର୍ମ କରାଯାଇଥିବା ଅଭିଯୋଗ ହୋଇଛି । ଏପରି ଏକ ସମ୍ବେଦନଶୀଳ ଘଟଣା ଘଟିଛି କଳିଙ୍ଗନଗର ଥାନା ଅନ୍ତର୍ଗତ ଦାନଗଦି ବ୍ଲକର ଶଗଡଗୁଳା ଗ୍ରାମରେ । କଳିଙ୍ଗନଗର ଥାନାରେ ମାମଲା ରୁଜୁ ପରେ ପୁଲିସ ବିଭିନ୍ନ ସ୍ଥାନରେ ଚଢାଉ କରି ଅଭିଯୁକ୍ତ ରବିକୁ ଗିରଫ କରିଛି । ପୋଲିସ ଡାକ୍ତରୀ ମାଇନା କରିବାପରେ ଅଭିଯୁକ୍ତକୁ କୋର୍ଟ ଚାଲାଣ କରିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ଯାଜପୁର
ସୂଚନା ଅନୁସାରେ, ଗତ ରବିବାର ଗ୍ରାମ ନିକଟରେ ହେଉଥିବା ଏକ ଫୁଟବଲ ଟୁର୍ଣ୍ଣାମେଣ୍ଟ ଦେଖି ବେଲନ୍ଦା ଗ୍ରାମର ୨ ଜଣ ନାବାଳିକା ଫେରୁଥିଲେ । ସେହି ସମୟରେ ମଟର ସାଇକେଲରେ ଆସୁଥିବା ଶଗଡଗୁଳା ଗ୍ରାମର ପ୍ରସନ୍ନ ମହାନ୍ତଙ୍କ ପୁଅ ରବି(୨୮) ସେମାନଙ୍କୁ ଘରେ ଛାଡି ଦେବାକୁ କହିଥିଲା । ରବି ପରିଚିତ ହୋଇଥିବାରୁ ନାବାଳିକା ଦ୍ବୟ ତା ସାଙ୍ଗରେ ଯାଇଥିଲେ । ବେଲନ୍ଦା ଛକ ନିକଟରେ ଜଣେ ନାବାଳିକା ଗାଡିରୁ ଓହ୍ଲାଇଥିଲେ । ଏହାପରେ ରବି କ୍ଷୀପ୍ର ଗତିରେ ମଟର ସାଇକଲକୁ ନେଇ ଜଙ୍ଗଲ ଆଡକୁ ଯାଇଥିଲା ।