ଯାଜପୁର: ଅଖିଳ ଭାରତ ଆଇନଜୀବୀ ସଙ୍ଘର ନିଷ୍ପତ୍ତି କ୍ରମେ 5ଦଫା ଦାବିରେ ସୋମବାର ଯାଜପୁର ଜିଲ୍ଲାର ବିଭନ୍ନ କୋର୍ଟରେ ଓକିଲ କାର୍ଯ୍ୟବନ୍ଦ ଆନ୍ଦୋଳନ କରିଛନ୍ତି। ଦାବି ପୂରଣ ନହେବା ପର୍ଯ୍ୟନ୍ତ ଆନ୍ଦୋଳନ ଜାରି ରହିବ ବୋଲି ଓକିଲ ସଂଘ ଚେତାବନୀ ଦେଇଛି।
ସଂଘର ଦାବି ଗୁଡିକ ମଧ୍ୟରେ ଅଭିଜ୍ଞ ଏବଂ ବରିଷ୍ଠ ଓକିଲଙ୍କୁ ବିଚାରକ ହେବାର ସୁଯୋଗ ଦେବା, ଜୁନିୟର ଓକିଲଙ୍କୁ 5 ବର୍ଷ ଯାଏଁ ସର୍ବନିମ୍ନ ମାସିକ 10ହଜାର ଭତ୍ତା, ସମସ୍ତ ଓକିଲଙ୍କ ବୀମା ସୁରକ୍ଷା, ଚିକିତ୍ସା ସୁବିଧା ଯୋଗାଇଦେବା ଆଦି ଦାବି ସ୍ଥାନ ପାଇଛି। ଯାଜପୁର ରୋଡ କୋର୍ଟରେ କାର୍ଯ୍ୟରତ 4ଟି ବାର ଆସୋସିଏସନର ଓକିଲ ଏହି ଆନ୍ଦୋଳନରେ ସାମିଲ ହୋଇଛନ୍ତି।
ଭିଡିଓ ସୌଜନ୍ୟ: ସମ୍ବାଦଦାତା, ଯାଜପୁର