ଜୁଆ ଆଡ୍ଡା ଉପରେ ଚଢ଼ାଉ, ଜୁଆ ସାମଗ୍ରୀ ଜବତ

ଯାଜପୁର ସୁକିନ୍ଦା ନିର୍ବାଚନ ମଣ୍ଡଳୀର ଏକ ଜୁଆ ଆଡ୍ଡା ଉପରେ ଚଢ଼ାଉ କରି ବିପୁଳ ଜୁଆ ସାମଗ୍ରୀ ଜବତ କରିଛି ପୋଲିସ । ଫେରାର ଜୁଆଡି଼ଙ୍କ ନାଁରେ ମାମଲା ରୁଜୁ । ଅଧିକ ପଢ଼ନ୍ତୁ...

ଯାଜପୁର: ସୁକିନ୍ଦା ନିର୍ବାଚନ ମଣ୍ଡଳୀର ବିଭିନ୍ନ ପଞ୍ଚାୟତର ଭିନ୍ନ ଭିନ୍ନ ସ୍ଥାନରେ ଜୁଆ ଆଡ୍ଡା ଚାଲୁଥିବାର ଖବର ପାଇଥିଲା ସ୍ଥାନୀୟ ପୋଲିସ । ତେବେ ଗୁରୁବାର ରାତି 7:30 ସମୟରେ ବିଶେଷ ସୁତ୍ରରୁ ଖବର ପାଇ ସୁକିନ୍ଦା, ସଂସାଇଲୋ, ସୋର୍ସିଆପଦା ସ୍ଥିତ ହାଟ ପଡିଆ ଠାରେ ଥିବା ଜୁଆ ଆଡ୍ଡା ଉପରେ ଚଢ଼ାଉ କରିଥିଲା ପୋଲିସ ।

ଏହି ଚଢାଉ ସମୟରେ 8ଟି ବାଇକ, 2 ଟି ସାଇକେଲ, ଗୋଟିଏ ଲ୍ୟାମ୍ପ ଲାଇଟ, ଜୁଆ ଡାଲା 2 ଟି, 6ଟି ଗୋଟି, ଜୁଆ ପାଲି ଇତ୍ୟାଦି ଜବତ କରିଛି ପୋଲିସ । ତେବେ ପୋଲିସ ଆସିବା ଖବର ପାଇ ଜୁଆଡି ମାନେ ଫେରାର ହୋଇଯାଇଥିବା ବେଳେ ଜୁଆଡିଙ୍କ ନାମରେ ମାମଲା ରୁଜୁ ହୋଇଛି ।

ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ