ଯୋଜନା ପଣ୍ଡ, ଡକାୟତି ପୂର୍ବରୁ ଧରିଲା ପୋଲିସ

ଶୁକ୍ରବାର ରାତିରେ ଜାରକା ଅଞ୍ଚଳରେ ଏକ ବଡ ଧରଣର ଡକାୟତ ଉଦ୍ୟମ ପଣ୍ଡ। ଲୁଟେରା ମାନେ ନିକଟସ୍ଥ ଦେଉଳି ପାହାଡରେ ଯୋଜନା ପ୍ରସ୍ତୁତ କରୁଥିବା ବେଳେ ଖବର ପାଇ ପୋଲିସ ସେମାନଙ୍କୁ ଗିରଫ କରିଛି ।

ଯାଜପୁର: ଜିଲ୍ଲା ଧର୍ମଶାଳା ପୋଲିସ ଦ୍ବାରା 4 ଆନ୍ତରାଜ୍ୟ ଡକାୟତ ଗିରଫ । ଡକାୟତଙ୍କଠାରୁ ବନ୍ଧୁକ ଓ ମାରଣାସ୍ତ୍ର ଜବତ କରିଛି ପୋଲିସ । ତେବେ ଶୁକ୍ରବାର ରାତିରେ ଜାରକା ଅଞ୍ଚଳରେ ଏକ ବଡ ଧରଣର ଡକାୟତ ପାଇଁ ନିକଟସ୍ଥ ଦେଉଳି ପାହାଡରେ ଯୋଜନା ପ୍ରସ୍ତୁତ ହେଉଥିବା ବେଳେ ଖବର ପାଇ ପୋଲିସ ଉକ୍ତ ଡକାୟତଙ୍କୁ ଗିରଫ କରିଛି।

ସେମାନଙ୍କ ନିକଟରୁ ପୋଲିସ ଏକ ଦେଶୀ ପିସ୍ତଲ 5ଟି ଜୀବନ୍ତ ଗୁଳି, ଭୁଜାଲି, ରଡ଼ ଆଦି ମାରଣାସ୍ତ୍ର ସହିତ 4ଟି ବାଇକ ଜବତ କରିଛି । ତେବେ ରାଜ୍ୟ ଓ ରାଜ୍ୟ ବାହାରେ ବିଭିନ୍ନ ଡକାୟତି,ରାହାଜନୀ ଓ ହତ୍ୟାମାମଲାରେ ଏମାନଙ୍କ ସମ୍ପୃକ୍ତି ରହିଥିବା ପୋଲିସ ତଦନ୍ତରୁ ଜଣାପଡିଛି ।

ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ