ଯାଜପୁର: ଚାଷୀଙ୍କୁ ଫସଲବୀମା ରାଶି ମିଳିନଥିବା ଅଭିଯୋଗ କଲା ନବନିର୍ମାଣ କୃଷକ ସଂଗଠନ । ଏହାସହ ଚାଷୀଙ୍କ ବିଭିନ୍ନ ସମସ୍ୟାର ସମାଧାନ ଦାବି ନେଇ ନବ ନିର୍ମାଣ କୃଷକ ସଂଗଠନ ପକ୍ଷରୁ ଯାଜପୁର ଜିଲ୍ଲା ପ୍ରଶାସନକୁ ଦାବିପତ୍ର ପ୍ରଦାନ କରାଯାଇଛି ।
ବିଂଝାରପୁର ଶାଖା ପକ୍ଷରୁ ଏକ ପ୍ରତିନିଧି ଦଳ ଜିଲ୍ଲା ପ୍ରଶାସନକୁ ଭେଟି ଚାଷୀଙ୍କୁ ମିଳିବାକୁ ଥିବା ଫସଲ ବୀମା ରାଶିକୁ ମିଳିନଥିବା ଅଭିଯୋଗ କରିଛନ୍ତି । ଉକ୍ତ ବୀମାରାଶିଙ୍କୁ ଚାଷୀଙ୍କ ଋଣ ଖାତାରେ ଡିପୋଜିଟ୍ କରାଯାଇଛି କିନ୍ତୁ ସେହି ଅର୍ଥ ଚାଷୀଙ୍କ କାମରେ ଆସିପାରିଲା ନାହିଁ ବୋଲି ସଂଗଠନ ପକ୍ଷରୁ ଦାବି କରାଯାଇଛି । ସେହିପରି ରବି ଋତୁ ଧାନ କିଣାରେ ବ୍ୟାପକ ଦୁର୍ନୀତିର ତଦନ୍ତ ସହ ୮ଟି ଦାବିପୂରଣ ପାଇଁ ଉପଜିଲ୍ଲାପାଳ ନାରାୟଣ ଚନ୍ଦ୍ର ଧଳଙ୍କୁ ଏକ ପ୍ରତିନିଧି ଦଳ ସାକ୍ଷାତ କରି ଆଲୋଚନା କରିଥିଲେ ।
ଚାଷୀଙ୍କୁ ଫସଲବୀମା ରାଶି ମିଳିନଥିବା ଅଭିଯୋଗ କଲା ନବନିର୍ମାଣ କୃଷକ ସଂଗଠନ