ଯାଜପୁର: ଅଗ୍ନିକାଣ୍ଡରେ ଘର ସହ ଜଳି ଗଲା ସୁନାର ସଂସାର । ବୋଝ ଉପରେ ନଳୀତା ବିଡ଼ା ପରି ଗରିବ ପରିବାର ମୁଣ୍ଡରେ ଏହି ଅଗ୍ନିକାଣ୍ଡ ଚଡ଼କ ପକାଇଛି । ଏହି ଭୟାବହ ଅଗ୍ନିକାଣ୍ଡ ଜିଲ୍ଲାର ରସୁଲପୁରୁ ବ୍ଲକ ଲକ୍ଷ୍ମୀନଗର ପଞ୍ଚାୟତର ରାଧାନଗର ଗାଁରେ ବୁଧବାର ରାତିରେ ଘଟିଛି । ଅଗ୍ନିକାଣ୍ଡରେ 3ଟି ଯୌଥ ପରିବାରର 14 ବଖରା ଘର ସହିତ ଲକ୍ଷାଧିକ ସମ୍ପତ୍ତି ଜଳି ଯାଇଛି ।
ଅଗ୍ନିକାଣ୍ଡରେ ବେସାହାରା 3 ପରିବାର, ଏବେ ସାହା ସରକାରୀ ସହାୟତା
ଏହି ଅଗ୍ନିକାଣ୍ଡର ପ୍ରକୃତ କାରଣ ଜଣାପଡିନଥିବା ବେଳେ ଗ୍ୟାସ୍ ଚୁଲାରୁ ନିଆଁ ଲାଗିଥିବା ସନ୍ଦେହ କରାଯାଉଛି । ଅଗ୍ନିବିପନ୍ନ ଗରିବ ଶ୍ରେଣୀର ହୋଇଥିବା ବେଳେ ରାତିରେ ଘଟିଥିବା ଅଗ୍ନିକାଣ୍ଡ ତାଙ୍କୁ ବେସାହାରା କରିଦେଇଛି । ଅଗ୍ନିକାଣ୍ଡରେ ସମ୍ପୂର୍ଣ୍ଣ ଘର ସହିତ ଆସବାବପତ୍ର ଓ ପ୍ରାୟ 25 ଲକ୍ଷରୁ ଉର୍ଦ୍ଧ୍ବ ଟଙ୍କାର ସମ୍ପତ୍ତି ନଷ୍ଟ ହୋଇଯାଇଛି ।