ଯାଜପୁର: ପ୍ରେମିକ ପାଇଁ ମହଙ୍ଗା ପଡିଲା ଏକତରଫା ପ୍ରେମ ନିଶା । ପ୍ରେମିକ ସାଜିଲା ହତ୍ୟାକାରୀ। ପ୍ରେମିକା ବାହାହେବା ପରେ ତାର ଶ୍ବଶୁରକୁ ହତ୍ୟା କଲା ଅଭିଯୁକ୍ତ ପ୍ରେମିକ। ଏଭଳି ଏକ ଘଟଣା ଘଟିଛି ଯାଜପୁର ଜିଲ୍ଲା ଦାନଗଦୀ ବ୍ଲକ ଅନ୍ତର୍ଗତ ବାଲିପଶି ଗାଁରେ ।
ଏକତରଫା ପ୍ରେମର ନିଶା, ପ୍ରେମିକାର ଶ୍ବଶୁରକୁ ହତ୍ୟା କଲା ପ୍ରେମିକ
ସକାଳୁ ସକାଳୁ ଗାଁର ବାଉଁଶବୁଦା ନିକଟରୁ ମିଳିଥିଲା ବାଲିପଶି ଗାଁର ଶରତ ଚନ୍ଦ୍ର ଧଳଙ୍କ ମୃତଦେହ। ସୂଚନା ମୁତାବକ ନିକଟରେ ଶରତ ତାଙ୍କ ସାନ ପୁଅକୁ ବାହାଦେଇଥିଲେ। ହେଲେ ଏହି ବିବାହ ପୂର୍ବରୁ ଅବିନାଶ ନାମକ ଏକ ଯୁବକ ଶରତଙ୍କ ସାନବୋହୁଙ୍କୁ ପ୍ରେମ କରୁଥିଲେ। ଏଥିପାଇଁ ସେ ପ୍ରତିହିଂସା ପରାୟଣ ହୋଇ ଉଠିଥିଲା। ଶରତ ଓ ତାଙ୍କ ପରିବାର ସଦସ୍ୟଙ୍କୁ ଜୀବନରୁ ମାରିଦେବାକୁ ବାରମ୍ବାର ଧମକ ଦେଇ ଆସୁଥିଲା ଅବିନାଶ।