ଯାଜପୁରର ୬୩ ନିଖୋଜ ଶିଶୁ ଉଦ୍ଧାର

ଯାଜପୁର ଜିଲ୍ଲାରୁ ନିଖୋଜ ଥିବା ପିଲାମାନଙ୍କ ମଧ୍ୟରୁ ୬୩ ଜଣ ଶିଶୁ ଉଦ୍ଧାର ହୋଇଛନ୍ତି । ଯାଜପୁର ଏସ୍‌ପି ରାହୁଲ ପିଆର ବୁଧବାର ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି । ଅଧିକ ପଢନ୍ତୁ....

ଯାଜପୁର: ଗତ ସପ୍ତାହକ ମଧ୍ୟରେ ଯାଜପୁର ଜିଲ୍ଲାରୁ ନିଖୋଜ ଥିବା ପିଲାମାନଙ୍କ ମଧ୍ୟରୁ ୬୩ ଜଣ ଶିଶୁ ଉଦ୍ଧାର ହୋଇଛନ୍ତି । ଯାଜପୁର ଏସ୍‌ପି ରାହୁଲ ପି ଆର ବୁଧବାର ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ।

ରାଜ୍ୟରେ ନିଖୋଜ ଥିବା ୮୯୫ ଶିଶୁମାନଙ୍କ ଭିତରେ ଯାଜପୁର ଜିଲ୍ଲାର ଅନେକ ଶିଶୁ ନିଖୋଜ ଥିଲେ। ତେବେ କ୍ରାଇମ ବ୍ରାଞ୍ଚର ସ୍ବତନ୍ତ୍ର ଟିମ ଗତ ସପ୍ତାହକ ମଧ୍ୟରେ ଏତେ ସଂଖ୍ୟକ ଶିଶୁ ଉଦ୍ଧାର କରି ସଫଳତା ପାଇଥିବା ସେ କହିଛନ୍ତି । ସବୁ ଥାନାମାନଙ୍କରେ ତାଲିମପ୍ରାପ୍ତ ଅଫିସର ଏବଂ ଆଇଆଇସି ମାନଙ୍କ ଦ୍ବାରା ଏହିସବୁ କେସ ଉପରେ ସ୍ବତନ୍ତ୍ର ଧ୍ୟାନ ଦିଆଯାଉଛି ଏବଂ ପିହୁ ସମେତ ଅନ୍ୟାନ୍ୟ ଯେତେ ପେଣ୍ଡିଙ୍ଗ କେସ ଅଛି, ତାହା ଉପରେ ମଧ୍ୟ ଏହି ଉଦ୍ଧାର କାର୍ଯ୍ୟ ଚାଲୁ ରହିବ ବୋଲି ସେ ସୂଚନା ଦେଇଛନ୍ତି।

ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ