ଯାଜପୁର: ଧର୍ମଶାଳା ଥାନା ଦେଉଳି ଛକ 16 ନମ୍ବର ଜାତୀୟ ରାଜପଥରେ ଭୟଙ୍କର ସଡକ ଦୁର୍ଘଟଣା ହୋଇଛି । ଟ୍ରକ ଓ ଟ୍ରେଲର ମଧ୍ୟରେ ଦୁର୍ଘଟଣା ଘଟି 2 ଜଣଙ୍କର ମୃତ୍ୟୁ ହୋଇଛି । ରାସ୍ତାରେ ଛିଡା ହୋଇଥିବା ଟ୍ରକକୁ ଧକ୍କା ଦେଇ ଟ୍ରେଲର ଜଳିଯାଇଥିଲା । ଫଳରେ ଟ୍ରେଲର ଡ୍ରାଇଭର ଜୀବନ୍ତ ଜଳି ଯାଇଥିଲେ । ଚିକିତ୍ସାଧୀନ ଅବସ୍ଥାରେ ଟ୍ରକ ହେଲପରଙ୍କ ମୃତ୍ୟୁ ହୋଇଥିବା ଜଣାପଡିଛି । ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
ସୂଚନା ଅନୁସାରେ, ଧର୍ମଶାଳା ଥାନା ଦେଉଳି ଛକ ନିକଟରେ ଏକ ଟ୍ରକ ଛିଡା ହୋଇଥିଲା । ସେହି ସମୟରେ ସମାନ ଦିଗରୁ ଆସୁଥିବା ଏକ ଲୁହା ରଡ ବୋଝେଇ ଟ୍ରେଲର ଟ୍ରକଟିକୁ ଧକ୍କା ଦେଇଥିଲା । ଫଳରେ ଟ୍ରେଲର ଆଗ କ୍ୟାବିନରେ ନିଆଁ ଲାଗି ଯାଇଥିଲା । ଗାଡିରେ ଥିବା ଚାଳକ ଚାପି ହୋଇ ରହି ଯାଇଥିଲେ । ଆଉ ବାହାରି ପାରିନଥିଲେ । ହୁତୁ ହୁତୁ ହୋଇ ଜଳୁଥିବା ନିଆଁରେ ଜୀବନ ଦଗ୍ଧ ହୋଇଥିଲେ ଚାଳକ ଜଣକ । ସେହିପରି ଟ୍ରକରେ ଥିବା ହେଲପରଙ୍କୁ ଗୁରୁତର ଅବସ୍ଥାରେ ଚିକିତ୍ସା ପାଇଁ ମେଡିକାଲରେ ଭର୍ତ୍ତି କରାଯାଇଥିଲା । ମାତ୍ର ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଥିବା ସୂଚନା ମିଳିଛି ।
ଏହା ବି ପଢନ୍ତୁ...ମୋଦିଙ୍କ ଗସ୍ତ ପୂର୍ବରୁ ତେଲେଙ୍ଗାନା ବିଜେପି ମୁଖ୍ୟ ବନ୍ଦୀ ସଞ୍ଜୟ ଅଟକ