ଯାଜପୁର: ପୁଣି ବିଜୁ ଜନତା ଦଳର ଗଡ଼ ଭାବେ ଉଭା ହୋଇଛି ଶିଳ୍ପ ସହର ଯାଜପୁର । ଜିଲ୍ଲା ଲୋକସଭା ଆସନରୁ ଶର୍ମିଷ୍ଠା ସେଠୀ ଓ କୋରେଇ ବିଧାୟକ ଅଶୋକ ବଳ ବହୁମତ ପାଇ ବିଜୟ ହୋଇଛନ୍ତି । ଏଥିରେ ଗର୍ବାନ୍ବିତ ହୋଇ ଦଳୀୟ ନେତା ଓ କର୍ମୀ ବାଣ ଫୁଟାଇ ବାଜା ବଜାଇ ଉଭୟ ସାଂସଦ ଓ ବିଧାୟକଙ୍କୁ ଏକ ଭବ୍ୟ ସମ୍ବର୍ଦ୍ଧନା ଦେଇଛନ୍ତି ।
ଭିଡିଓ ସୌଜନ୍ୟ- ସମ୍ବାଦଦାତା, ଯାଜପୁର
ଏହି ଅବସରରେ ବିଭିନ୍ନ ବର୍ଗର ଲୋକ ଉପସ୍ଥିତ ହୋଇ ଶର୍ମିଷ୍ଠା ଓ ଅଶୋକଙ୍କୁ ପୁଷ୍ପଗୁଚ୍ଛ ଦେଇ ଶୁଭେଚ୍ଛା ଓ ସମ୍ବର୍ଦ୍ଧନା ଜଣାଇଥିଲେ । ‘ନିର୍ବାଚନ ମଣ୍ଡଳୀର ସାମଗ୍ରିକ ବିକାଶ ଆମର ଲକ୍ଷ୍ୟ’ ବୋଲି ଉଭୟ ସାଂସଦ ଓ ବିଧାୟକ କହିଛନ୍ତି । ତେବେ ଏହି ବିଜୟର ଶ୍ରେୟ ଉଭୟ ବିଜେଡି ସୁପ୍ରିମୋ ନବୀନ ପଟ୍ଟନାୟକଙ୍କୁ ଦେଇଛନ୍ତି ।