ଗାଧୋଇବାବେଳେ ପୋଖରୀରେ ବୁଡିଗଲେ ବୃଦ୍ଧ

ଯାଜପୁର କୋରେଇ ଥାନା ଅନ୍ତର୍ଗତ ତାହାରପୁର ଗାଁରେ ଅଭାବନୀୟ ଘଟଣା । ପୋଖରୀରେ ବୁଡିଯିବାରୁ ଜଣେ ବୃଦ୍ଧଙ୍କ ମୃତ୍ୟୁ ହୋଇଛି ।

ଯାଜପୁର: କୋରେଇ ଥାନା ଅନ୍ତର୍ଗତ ତାହାରପୁର ଗାଁରେ ଅଭାବନୀୟ ଘଟଣା । ପୋଖରୀରେ ବୁଡିଯିବାରୁ ଜଣେ ବୃଦ୍ଧଙ୍କ ମୃତ୍ୟୁ ହୋଇଛି । ମୃତ ବୃଦ୍ଧ ଜଣକ ହେଲେ ବାବୁଲୁ ମଲ୍ଲିକ ।

ସୂଚନା ମୁତାବକ, ତାହାରପୁର ଗାଁର ବାବୁଲୁ ମଲ୍ଲିକ ଗାଧୋଇବା ପାଇଁ ଗାଁ ପୋଖରୀକୁ ଯାଇଥିଲେ। ସେ ଗାଧୋଇବା ସମୟରେ ତାଙ୍କର ଗୋଡ଼ ଖସିଯିବାରୁ ସେ ପୋଖରୀରେ ବୁଡି ଯାଇଥିଲେ। ତେବେ ବାବୁଲୁ ବୁଡି ଯାଉଥିବା ଦେଖି ଗାଁଲୋକ ତାଙ୍କୁ ଉଦ୍ଧାର କରିବାକୁ ଧାଇଁ ଆସିଥିଲେ ।

ଏହାପରେ ତାଙ୍କ ପରିବାରକୁ ତୁରନ୍ତ ଏନେଇ ଖବର ଦେଇଥିଲେ। ବାବୁଲୁଙ୍କ ପୁଅ ତୁରନ୍ତ ତାଙ୍କୁ ଚିକିତ୍ସା ପାଇଁ ଯାଜପୁର ରୋଡ ଡାକ୍ତରଖାନାକୁ ନେଇଥିଲେ। ମାତ୍ର ଡାକ୍ତର ତାଙ୍କୁ ପ୍ରାଥମିକ ଚିକିତ୍ସା ପରେ ମୃତ ଘୋଷଣା କରିଥିବା ଜଣାପଡିଛି ।

ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ