ଯାଜପୁର: ଜିଲ୍ଲାରେ ରିଲିଫ ସାମଗ୍ରୀ ବଣ୍ଟନକୁ ନେଇ ଅସନ୍ତୋଷ। ଯାଜପୁର ବ୍ଲକ ଏରବାଙ୍କ ପଞ୍ଚାୟତ ଇନ୍ଦରୋଇ ଗାଁରେ ରିଲିଫ ସାମଗ୍ରୀ ବଣ୍ଟନକୁ ନେଇ ଅସନ୍ତୋଷ। ଅସନ୍ତୁଷ୍ଟ ଗ୍ରାମବାସୀ ଜିଲା ପ୍ରଶାସନର ଦ୍ବାରସ୍ଥ ହୋଇ ଘଟଣାର ତଦନ୍ତ କରିବାକୁ ଦାବି କରିଛନ୍ତି ।
ରିଲିଫ ସାମଗ୍ରୀ ବଣ୍ଟନକୁ ନେଇ ଅସନ୍ତୋଷ, ଜିଲ୍ଲାପାଳଙ୍କ ଦ୍ବାରସ୍ଥ ହେଲେ ଗ୍ରାମବାସୀ
ସୂଚନା ମୁତାବକ ରିଲିଫ ସାମଗ୍ରୀକୁ ମୁଣ୍ଡ ପିଛା କମ ଦେବା ସହିତ ପରିବହନ ପାଇଁ ମଧ୍ୟ ବିପନ୍ନଙ୍କ ଠାରୁ ଅର୍ଥ ଆଦାୟ କରିବାକୁ ସ୍ଥାନୀୟ ସରପଞ୍ଚ ନିର୍ଦେଶ ଦେଇଥିଲେ । ଏହାକୁ କେତେକ ବ୍ୟକ୍ତି ବିରୋଧ କରି ରିଲିଫ ସାମଗ୍ରୀ ଗ୍ରହଣ କରିନଥିଲେ । ଏହାକୁ ନେଇ ଘଟଣାସ୍ଥଳରେ ଉତ୍ତେଜନା ମୂଳକ ପରିସ୍ଥିତି ସୃଷ୍ଟି ହୋଇଥିଲା। ଏପରିକି ଅନେକ ପ୍ରକୃତ ହିତାଧିକାରୀଙ୍କୁ ରିଲିଫ ସାମଗ୍ରୀ ବଣ୍ଟା ଯାଇନଥିବା ଅଭିଯୋଗ ହୋଇଛି। ଗ୍ରାମବାସୀଙ୍କ ପକ୍ଷରୁ ଏକ ପ୍ରତିନିଧି ଦଳ ଜିଲ୍ଲାପ୍ରଶାସନର ଦୃଷ୍ଟି ଆକର୍ଷଣ କରାଯାଇ ଘଟଣାର ତଦନ୍ତ କରିବାକୁ ନିବେଦନ କରାଯାଇଛି ।