ଚାଲିଛି ବେଆଇନ କ୍ରସର, ମାଡୁଛି ରୋଗ

ଯାଜପୁର ତହସିଲ ଅଞ୍ଚଳରେ ପାହାଡ ଗୁଡିକ ଭଙ୍ଗାଯାଇ ବଡବଡ ପଥର ଖଣ୍ଡମାନ ବାହାର କରାଯାଉଛି । ପାହାଡରୁ ବାହାରୁଥିବା ଏହି ପଥର ଖଣ୍ଡକୁ ବିଭିନ୍ନ କ୍ରସର ୟୁନିଟ୍, କ୍ରୟକରି ସେଥିରୁ ଚିପ୍ସ, ମେଟାଲ ଆଦି ମ୍ୟାଟେରିଆଲ ପ୍ରସ୍ତୁତ କରୁଛନ୍ତି । ମାତ୍ର ଜାତୀୟ ରାଜପଥ କଡରେ ବେଆଇନ ଭାବେ ମାଳମାଳ କ୍ରସର ଗଢି ଉଠିବା ଫଳରେ ଭୟଙ୍କର ପ୍ରଦୂଷଣ ସୃଷ୍ଟି ହେଉଥିବା ଅଭିଯୋଗ ହୋଇଆସୁଥିଲେ ମଧ୍ୟ ଶୁଣୁ ନାହାଁନ୍ତି କ୍ରସର ଦଲାଲ । ଅଧିକ ପଢନ୍ତୁ..

ଯାଜପୁର: ଧର୍ମଶାଳା ତହସିଲ ଅଞ୍ଚଳର 16ନଂ ଏବଂ 200ନଂ ରାଜପଥ କଡରେ ରହିଛି 3ଶହରୁ ଊର୍ଦ୍ଧ୍ବ କ୍ରସର ୟୁନିଟ୍ । ଏହି ତହସିଲ ଅଞ୍ଚଳରେ ପାହାଡ ଗୁଡିକ ଭଙ୍ଗାଯାଇ ବଡବଡ ପଥର ଖଣ୍ଡମାନ ବାହାର କରାଯାଉଛି । ପାହାଡରୁ ବାହାରୁଥିବା ଏହି ପଥର ଖଣ୍ଡକୁ ବିଭିନ୍ନ କ୍ରସର ୟୁନିଟ୍, କ୍ରୟକରି ସେଥିରୁ ଚିପ୍ସ, ମେଟାଲ ଆଦି ମ୍ୟାଟେରିଆଲ ପ୍ରସ୍ତୁତ କରୁଛନ୍ତି । ଯାହା ଗୃହ, ରାସ୍ତାଘାଟ ନିର୍ମାଣ ଠାରୁ ଆରମ୍ଭ କରି ବିଭିନ୍ନ ସରକାରୀ ବେସରକାରୀ ପ୍ରକଳ୍ପ ନିର୍ମାଣ ପାଇଁ ବ୍ୟବହାର କରାଯାଉଛି । ମାତ୍ର ଜାତୀୟ ରାଜପଥ କଡରେ ବେଆଇନ ଭାବେ ମାଳମାଳ କ୍ରସର ଗଢି ଉଠିବା ଫଳରେ ଭୟଙ୍କର ପ୍ରଦୂଷଣ ସୃଷ୍ଟି ହେଉଥିବା ଅଭିଯୋଗ ହୋଇଆସିଛି । 2015ମସିହାରେ 80ଟି କ୍ରସର ୟୁନିଟକୁ ବନ୍ଦ କରିବାକୁ ମାନବାଧିକାର ଆୟୁକ୍ତଙ୍କ ନିକଟରେ ଫେରାଦ୍ ହୋଇଥିଲେ ଅଞ୍ଚଳବାସୀ । ପରେ ପ୍ରଶାସନ ପକ୍ଷରୁ ଚଢାଉ କରାଯାଇ ଶତାଧିକ କ୍ରସର ୟୁନିଟକୁ ବନ୍ଦ କରିଦିଆଯାଇଥିଲା । ମାତ୍ର ଏଗୁଡିକ ଏବେ ପୁଣି କାର୍ଯ୍ୟକ୍ଷମ ହୋଇଯିବା ଫଳରେ ପୁଣି ସ୍ଥିତି ଯଥା ପୂର୍ବଂ ତଥା ପର ।

ତେବେ ଏହି ଅଂଚଳରେ ବ୍ୟାପକ ବେଆଇନ କ୍ରସର ଚାଲିବା ଫଳରେ ଗାଁ ଗଣ୍ଡାରେ ରହି ହଉନି । ଏତେ ମାତ୍ରାରେ ପ୍ରଦୂଷଣ ହେଉଛି ଯେ, ଘର ଦ୍ବାରରେ ବସି ଯାଉଛି ଚାଦର ବହଳର ଡଷ୍ଟ । ପ୍ରଦୂଷଣ ଯୋଗୁ ପୋଖରୀ, ଗଡ଼ିଆ ଓ ପାଇପ ପାଣି ବିଷାକ୍ତ ହୋଇ କେମିକାଲ ଭାସୁଛି । ସେପଟେ ଏହି ପାଣି ପିଇବା ଦ୍ବାରା ଆଖି ରୋଗ ଓ କିଡନୀ ରୋଗ ହେଉଛି । ଜିଲ୍ଲା ପ୍ରଶାସନକୁ ଅଭିଯୋଗ କଲେବି କେହି କର୍ଣ୍ଣପାତ କରୁ ନଥିବା ଅଭିଯୋଗ କରିଛନ୍ତି ଗ୍ରାମବାସୀ । ଅଞ୍ଚଳରେ ଥିବା ଅନେକ ବଡ ବଡ ପାହାଡ ବ୍ଲାଷ୍ଟି କରାଯାଇ ସେଥିରୁ ଷ୍ଟୋନ୍ ବାହାର କରାଯାଉଛି । ସେହି ଷ୍ଟୋନକୁ କ୍ରସର ୟୁନିଟ୍ ମାନେ କ୍ରୟ କରି ସେଥିରୁ ଚିପ୍ସ ଓ ମେଟାଲ ଆଦି ପ୍ରସ୍ତୁତ କରୁଛନ୍ତି । ଗୋଟେ ପଟେ କିଛି ପାହାଡ ଖନନ ପାଇଁ ଅନୁମତି ଦିଆଯାଇଥିଲେ ହେଁ ଅନ୍ୟପଟେ ଅଧିକାଂଶ ବେଆଇନ୍ ଭାବେ ତାଡି ଚାଲିଛନ୍ତି । ସେହିପରି କ୍ରସର ୟୁନିଟ୍ ଗୁଡିକୁ ଜିଲ୍ଲା ପ୍ରଶାସନ ଏବଂ ଜିଲ୍ଲା ପ୍ରଦୂଷଣ ବିଭାଗ ଦ୍ବାରା ବାରମ୍ବାର ବନ୍ଦ ବା ସିଲ୍ କରାଯାଉଥିଲେ ମଧ୍ୟ ପ୍ରଶାସନର ନିର୍ଦ୍ଦେଶକୁ ଖୋଲାଖୋଲି ଉଲଂଘନ କରୁଛନ୍ତି କ୍ରସର ମାଫିଆ । ସେପଟେ ଜିଲ୍ଲା ପ୍ରଦୂଷଣ ନିୟନ୍ତ୍ରଣ ଅଧିକାରୀଙ୍କ କହିବା କଥା, ଏଥିପାଇଁ କ୍ରସର ୟୁନିଟ୍ ମାନଙ୍କୁ ନୋଟିସ୍ ଜାରି ହୋଇଛି । ଆଇନ ଉଲଂଘନ କଲେ ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ହେବ ।ତୁରନ୍ତ ବେଆଇନ୍ କ୍ରସର ଗୁଡିକୁ ବନ୍ଦ କରିବା ପାଇଁ ଦାବି ଜୋର ଧରିଛି । ଆଗାମୀ ଦିନରେ ଏହାକୁ ବନ୍ଦ କରାନଗଲେ ଦୃଢ ବିରୋଧ ସହ ଆନ୍ଦୋଳନ କରାଯିବ ବୋଲି ଚେତାବନୀ ଦେଇଛନ୍ତି ସ୍ଥାନୀୟ ଅଧିବାସୀ ଓ ମାନବାଧିକାର କର୍ମୀ ।ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ