ବ୍ରହ୍ମଗିରି/ ଯାଜପୁର: ଆସନ୍ତା ମାର୍ଚ୍ଚ 25ତାରିଖରୁ ବ୍ରହ୍ମଗିରିରେ ପଞ୍ଚୁଦୋଳ ମେଳଣ ଅନୁଷ୍ଠିତ ହେବାକୁ ଯାଉଛି । ତେବେ ଗୁରୁବାର ଦୋଳପୂର୍ଣ୍ଣିମା ତିଥିରେ ତିନି ପାଣ୍ଡବ ଭୀମ, ନକୁଳ ଓ ସହଦେଵ ଅଲାର ଗ୍ରାମରେ ଦୋଳ ବିଜେ ହୋଇ ମହା ଆଡମ୍ବରରେ ଭୋଗ ଲାଗି ହୋଇଛନ୍ତି । ତେବେ ଘଣ୍ଟ ଘଣ୍ଟା ମରଦଳ, ଭେରୀ, ତୁରୀ, ହରିବୋଲ ହୁଳହୁଳି ଓ ଆତସବାଜି ଶବ୍ଦରେ ପରିବେଶ ପ୍ରକମ୍ପିତ ହୋଇଥିଲା । ତେବେ ଦୋଳ ଗ୍ରାମ ପରିକ୍ରମା କରିବା ପରେ ଶ୍ରୀ ଅଲାରନାଥ ଦେବଙ୍କ ପୀଠରେ ହରିହର ଭେଟ ହୋଇଛନ୍ତି । ଏଭଳି ମହାମିଳନକୁ ଦର୍ଶନ କରିବା ପାଇଁ ହଜାର ହଜାର ସଂଖ୍ୟାରେ ଭକ୍ତମାନଙ୍କର ରୁଣ୍ଡ ଦେଖିବାକୁ ମିଳିଥିଲା । । ଅବିର ରଙ୍ଗରେ ହରିହର ଭେଟର ଅପରୂପ ସୌନ୍ଦର୍ଯ୍ୟ ଭକ୍ତଙ୍କୁ ବିମୋହିତ କରିଥିଲା । ଭକ୍ତ ଓ ଭଗବାନଙ୍କ ଅପୂର୍ବ ମିଳନ ଦ୍ୱାପର ଯୁଗର ପୌରାଣିକ ଗାଥାର ମହନୀୟତାକୁ ପ୍ରତିପାଦନ କରିଥିଲା ।
ଭିଡିଓ ସୌଜନ୍ୟ: ପ୍ରତିନିଧି, ବ୍ରହ୍ମଗିରି