ଯାଜପୁରରେ ଲଗାଣ ବର୍ଷା: ପରିବା ହାଟରେ ଆଣ୍ଠୁଏ ପାଣି

ସାରା ରାଜ୍ୟରେ ଜାରି ରହିଛି ବର୍ଷା । ଏହାର ପ୍ରଭାବ ଯାଜପୁରର ବ୍ୟାସନଗର ଓ କୋରେଇ ଅଞ୍ଚଳରେ ଦେଖିବାକୁ ମିଳିଛି ।

ଯାଜପୁର:ସାରା ରାଜ୍ୟରେ ଜାରି ରହିଛି ବର୍ଷା । ଏହାର ପ୍ରଭାବ ଯାଜପୁରର ବ୍ୟାସନଗର ଓ କୋରେଇ ଅଞ୍ଚଳରେ ଦେଖିବାକୁ ମିଳିଛି । ସୋମବାର ରାତିରୁ ବ୍ୟାସନଗର ସହରରେ ବର୍ଷା ଜାରି ରହିଥିବା ବେଳେ ଜନଜୀବନ ଅସ୍ତବ୍ୟସ୍ତ ହୋଇପଡିଛି ।

ସହରରେ ଥିବା ପରିବା ହାଟରେ ଆଣ୍ଠୁଏ ଆଣ୍ଠୁଏ ପାଣି । ଫଳରେ ପରିବା କିଣିବା କଷ୍ଟକର ହୋଇପଡିଛି । ଏହା ଛଡା ସହରରେ ଥିବା ଡ୍ରେନ ଗୁଡିକରେ ପାଣି ଭର୍ତ୍ତି ହୋଇ ଦୋକାନ ବଜାର ଓ ସହରର ମୁଖ୍ୟ ରାସ୍ତା ଉପରେ ପାଣି ଚାଲିବା ଫଳରେ ଲୋକେ ଚାଲିକି କିମ୍ବା ଗାଡିରେ ଯିବା କଷ୍ଟକର ହୋଇ ପଡିଛି । ତେବେ ଏସବୁ ସମସ୍ୟ ପାଇଁ ପୌରପରିଷଦକୁ ଦାୟୀ କରିଛନ୍ତି ସହରବାସୀ ।

ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ