ଯାଜପୁର: ଦାନଗଦି ଫାଣ୍ଡି ସିଙ୍ଗାଡ଼ିଆ ଗାଁରେ ଦୋକାନରୁ ସଉଦା କିଣିବାକୁ କେନ୍ଦ୍ର କରି ଗୋଷ୍ଠୀ ସଂଘର୍ଷ । ଗତକାଲି(ଶନିବାର) ରାତିରେ ଏହି ଗୋଷ୍ଠୀ ସଂଘର୍ଷ ଘଟିଥିଲା । ଫଳରେ 19 ଜଣ ଆହତ ହୋଇଛନ୍ତି ।
ସଉଦା କିଣିବାକୁ କେନ୍ଦ୍ର କରି ଗୋଷ୍ଠୀ ସଂଘର୍ଷ, ୧୯ ଆହତ
ଘଟଣା ସ୍ଥଳରେ ପୋଲିସ ପହଞ୍ଚି 12ରୁ ଊର୍ଦ୍ଧ୍ବ ଗୋଷ୍ଠୀ ସଂଘର୍ଷରେ ସାମିଲ ଲୋକଙ୍କୁ ଉଠାଇ ନେଇଥିଲା । ଏହାପରେ ସିଙ୍ଗାଡ଼ିଆ ଗାଁରେ ପରିସ୍ଥିତି ଶାନ୍ତ ପଡିଥିଲା । ଗତକାଲି(ଶନିବାର) ରାତିରେ ଏହି ଗାଁରେ ଥିବା ଏକ ତେଜରାତି ଦୋକାନକୁ ସଉଦା କିଣିବାକୁ ସ୍ଥାନୀୟ କାରଖାନାରେ କାମ କରୁଥିବା କିଛି ଶ୍ରମିକ ଯାଇଥିଲେ । ସେଠାରେ ମିଶ୍ରି କିଣିବା କଥାକୁ ନେଇ ଦୋକାନୀ ଓ ଶ୍ରମିକଙ୍କ ମଧ୍ୟରେ ଯୁକ୍ତି ତର୍କ ହୋଇଥିଲା । ଏହାକୁ ନେଇ ସ୍ଥାନୀୟ ଗ୍ରାମବାସୀ ଓ ଶ୍ରମିକ ମାନଙ୍କ ମଧ୍ୟରେ ସଂଘର୍ଷ ଘଟିଥିଲା ।